Jamiyat

Olimlar X-XII asrlarda kuchli yongʻinda qolgan hududni oʻrganmoqda

© Madaniy meros agentligi Olimlar X-XII asrlarda kuchli yongʻinda qolgan hududni oʻrganmoqda
Olimlar X-XII asrlarda kuchli yongʻinda qolgan hududni oʻrganmoqda - Sputnik Oʻzbekiston, 1920, 22.06.2022
Obuna boʻlish
Yandex newsTelegram
Fargʻonada olimlar tomonidan olib borilayotgan arxeologik tadqiqotlar jarayonida aniq shakldagi uy qoldigʻini ajratib olish murakkab kechmoqda.
TOSHKENT, 22 iyun — Sputnik. Olimlar Quva shahristonida milodiy X-XII asrlarda sodir boʻlgan kuchli yongʻin oqibatlarini aniqlashdi. Bu haqda Madaniy meros agentligi xabar berdi.
Quva shahristonida Fargʻona Davlat Universiteti olimlari tomonidan arxeologik tadqiqot olib borilmoqda.
Arxeologlar maʼlum qilishicha, ochib oʻrganilgan hududda kuchli yongʻin sodir boʻlgan.
Yongʻin oqibatida uylarning devori kuygan, toʻsinlar yonib polga qulagan. Devorlar qattiq shikaslanib, tartibsiz qulab tushgan. Natijada aniq shakldagi uy qoldigʻini ajratib olish murakkab kechmoqda.
Maʼlumot uchun, Quva shahristoni miloddan avvalgi VI-Vasrlarda shakllangan. Uning gurkirab yashnagan davri milodiy X-XII asrlarga toʻgʻri keladi.
Bu vaqtda Quvaning umumiy maydoni 200 gektardan ortib ketgan boʻlsa, hozirda uning 15 gektarga yaqin hududi saqlanib qolgan.
Eslatib oʻtamiz, avvalroq Rossiya va Oʻzbekiston olimlari Fargʻonada arxeologik tadqiqotlar olib borishgani haqida xabar berilgandi. Tadqiqotlar natijasida Fargʻonaning qadimgi Shoʻrkol, Uzunkoʻl, Achchiq koʻl hududlarida olib borilgan dala izlanishlari natijasida tosh artefaktlar va sopol buyumlar parchalari topilgan.
Yangiliklar lentasi
0