Jamiyat

Inson aʼzolarini koʻchirib oʻtkazishga majburlaganlik uchun jinoiy javobgarlik belgilandi

© Sputnik / Grigoriy Sыsoyev / Fotobankka oʻtishVo vremya operatsii po peresadke donorskoy pochki
Vo vremya operatsii po peresadke donorskoy pochki - Sputnik Oʻzbekiston, 1920, 24.06.2022
Obuna boʻlish
Yandex newsTelegram
Transplantatsiya shartlarini buzganlar ogʻirlashtiruvchi holatlarda ozodlikdan mahrum qilish bilan jazolanadi.
TOSHKENT, 24 iyun — Sputnik.Endilikda inson aʼzolarini transplantatsiya qilishga rozilik berishga majburlagan shaxslar 5 yildan 8 yilgacha ozodlikdan mahrum qilinadi. Bu boʻyicha prezident tomonidan imzolangan OʻRQ–780-sonli qonun bilan Jinoyat kodeksiga oʻzgartirish kiritildi.
Hujjatga koʻra, insonni undan aʼzolarini va (yoki) toʻqimalarini transplantatsiya uchun olishga rozilik berishga majburlaganlik uchun javobgarlik belgilandi va bu qilmish ogʻirlashtiruvchi holatlarda ozodlikdan mahrum qilish bilan jazolanadi.
Inson aʼzolarining va (yoki) toʻqimalarining oldi-sotdisi bilan shugʻullanganlik, shuningdek ularni Oʻzbekistondan tashqariga olib chiqib ketganlik uchun ham jinoiy javobgarlik belgilandi.
Mazkur jinoyatlar bilan bogʻliq dastlabki tergov ichki ishlar organlari tomonidan olib boriladi.
Ushbu Qonun rasmiy eʼlon qilingan kundan eʼtiboran kuchga kiradi.
Eslatib oʻtamiz, inson aʼzolarini yoki toʻqimalarini uning murdasidan olishga uning tiriklik chogʻidagi notarial tartibda tasdiqlangan yozma roziligi mavjud boʻlgan taqdirda yoʻl qoʻyiladi.
Yangiliklar lentasi
0