Iqtisod

Oʻzbekiston tashqi qarzi kamaydi - MB

© Sputnik / Zafar XalilovTashkent. Tsentralnыy bank Uzbekistana
Tashkent. Tsentralnыy bank Uzbekistana - Sputnik Oʻzbekiston, 1920, 24.06.2022
Obuna boʻlish
Yandex newsTelegram
2022 yilning I choragida geosiyosiy vaziyat tufayli yangi qarz jalb qilish sekinlashgan.
TOSHKENT, 24 iyun — Sputnik. Oʻzbekiston umumiy tashqi qarzi 721,5 mln dollarga (1,8 %) qisqardi. Buning natijasida 1 aprel holatiga tashqi qarz 38,8 mlrd dollarni tashkil etmoqda. Bu haqda Markaziy bank xabar berdi.
Qayd etilishicha, shu yilning I choragida jahonda geosiyosiy vaziyat taʼsirida davlat va xususiy sektor tomonidan yangi qarz jalb qilish sekinlashgan.
Asosiy qarz boʻyicha toʻlovlarning amalga oshirilishi tashqi qarz qoldigʻida aks etdi.
Davlat tashqi qarzi
I chorakda davlat tashqi qarzi sof kamayishi, kurslar va narxlar oʻzgarishini inobatga olganda 1,5 foizga yoki 345,4 mln dollarga qisqarib, hisobot davri oxiriga 23,4 mlrd dollarga teng boʻldi.
Ushbu davrda davlat tomonidan 281 mln dollar miqdorida qarzdorlik jalb qilingan. Bu oʻtgan yilning mos davriga nisbatan 68 mln dollarga kam.
Xususiy tashqi qarz
1 aprel holatiga xususiy tashqi qarz 15,5 mlrd dollar boʻlib, shu yilning boshiga nisbatan 2 foizga yoki 376,0 mln dollarga qisqarish kuzatildi.
I chorakda xususiy sektor tomonidan jalb qilingan qazdorlik 1,2 mlrd dollarga teng boʻldi.
Banklar - 389 mln dollar;
Togʻ-kon va metalurgiya sanoati - 217 mln dollar;
Neftgaz va energetika sektoridagi korxonalar - 171 mln dollar;
Boshqa sektorlar - 455 mln dollar.
Eslatib oʻtamiz, mart oyida 20 mln dollarlik xorijiy valyutadagi mamlakat davlat qarzining bir qismi milliy valyutadagi qarzga oʻgirilgandi.
Yangiliklar lentasi
0