Iqtisod

Oʻzbekiston tashqi savdo aylanmasi 37 foizga oshdi

© Sputnik / Vladimir TrefilovDenejnыe kupyurы.
Denejnыe kupyurы. - Sputnik Oʻzbekiston, 1920, 24.06.2022
Obuna boʻlish
Yandex newsTelegram
Oʻzbekiston tashqi savdo aylanmasining eng katta hajmi Xitoy, Rossiya, Qozogʻiston, Turkiya, Janubiy Koreya, Germaniya va Qirgʻiziston hissasiga toʻgʻri kelmoqda.
TOSHKENT, 24 iyun — Sputnik. Oʻzbekistonning tashqi savdo aylanmasi 20,5 milliard dollarga yetdi. Bu haqda Iqtisodiy tadqiqotlar va islohotlar markazi maʼlum qildi.
Markaz mamlakat tashqi savdosining yanvar-may oylari yakunlari boʻyicha sharh tayyorladi.
Qayd etilishicha, Oʻzbekistonning tashqi savdo aylanmasi oʻtgan yilning shu davriga nisbatan $5,6 mlrdga (oʻsish 37,4%) oshgan.
Tashqi savdo umumiy hajmida eksport ulushi $8,4 mlrdni, import esa $12,2 mlrdni tashkil etdi. Natijada tashqi savdo aylanmasi saldosi -$3 809,7 mln.ga teng boʻldi.
Mamlakatning tashqi savdo faoliyati boʻyicha eng yirik 20 ta hamkori orasida Afgʻoniston, Qirgʻiziston, Tojikiston va Turkiya mamlakatlari bilan savdoda ijobiy saldo kuzatilmoqda. Qolgan 16 mamlakatlar bilan tashqi savdo aylanmasining passiv balansi saqlanib qolmoqda.
Bugungi kunda Oʻzbekiston Respublikasi dunyoning 167 ta davlati bilan savdo munosabatlari oʻrnatgan.
Tashqi savdo aylanmasining eng katta hajmi Xitoy (18,5%), Rossiya (15,8%), Qozogʻiston (8,5%), Turkiya (7,0%), Janubiy Koreya (5,3%), Germaniya (2,4%) va Qirgʻiziston (2,1%) hissasiga toʻgʻri kelmoqda.
Respublika tashqi savdo aylanmasi tarkibida eng salmoqli ulush Toshkent shahriga toʻgʻri kelmoqda - 37,4% ($7672,3 mln.), eng kam ulush esa Surxondaryo viloyati - 0,9% yoki $184,7 mln.
Yangiliklar lentasi
0