Jamiyat

Yangi oʻquv yili uchun taʼlim yoʻnalishlarini tanlashga start berildi

© Sputnik / Sergey Pyatakov / Fotobankka oʻtishRabota priyemnoy komissii MFTI
Rabota priyemnoy komissii MFTI - Sputnik Oʻzbekiston, 1920, 28.06.2022
Obuna boʻlish
Yandex newsTelegram
Qabul parametrlari va qabul parametrlarining tillar kesimidagi taqsimoti DTM saytiga joylashtirildi.
TOSHKENT, 28 iyun — Sputnik. Bugundan boshlab abituriyentlar OTMning taʼlim shakli va taʼlim tilini tanlashlari mumkin.
Davlat test markazi my.dtm.uz saytiga qabul parametrlari va qabul parametrlarining tillar kesimidagi taqsimotini joylashtirdi.
Saytining “Oliy taʼlim muassasalarining bakalavriatiga qabul” boʻlimi orqali fanlar majmuasi va ketma-ketligi bir xil boʻlgan beshtagacha bakalavriat taʼlim yoʻnalishini tanlash mumkin.
Qayd etilishicha, bitta taʼlim yoʻnalishini tanlash majburiy, qolgan taʼlim yoʻnalishlarini tanlash esa ixtiyoriy boʻladi.
Bunda abituriyentlar kunduzgi, sirtqi, kechki yoki masofaviy taʼlim shaklini tanlaydilar.
Barcha test topshiruvchilar uchun majburiy 3 ta fan boʻyicha-ona tili (oʻzbek, rus yoki qoraqalpoq tili), matematika va Oʻzbekiston tarixi fanlari boʻyicha test sinovlari oʻtkaziladi.
Eslatib oʻtamiz, 20 iyundan bakalavriat taʼlim yoʻnalishlariga abituriyentlarni onlayn roʻyxatga olish boshlangan.
Shu kungacha ular faqatgina pasport, doimiy yashash manzili, tugatgan taʼlim muassasasi hamda maxsus sertifikat maʼlumotlarini kiritishlari mumkin edi.
Roʻyxatga olish 20 iyulga qadar (20 iyul kuni ham) davom etadi. Chet tilidan kasbiy (ijodiy) imtihon oʻtkaziladigan bakalavriat taʼlim yoʻnalishlariga roʻyxatga olish esa 10 iyulga qadar amalga oshiriladi.
Yangiliklar lentasi
0