Jamiyat

COVIDga ixtisoslashgan poliklinikalar qayta ochildi

© Sputnik / Ilya Pitalev / Fotobankka oʻtishGospital dlya lecheniya bolnыx Covid-19
Gospital dlya lecheniya bolnыx Covid-19 - Sputnik Oʻzbekiston, 1920, 29.06.2022
Obuna boʻlish
Yandex newsTelegram
Kasallikning hozirgi kundagi alomatlari: yuqori harorat, tomoq ogʻrigʻi va burun oqishi.
TOSHKENT, 28 iyun — Sputnik. Toshkentning 12 ta tumanida COVID-19ga ixtisoslashgan maxsus poliklinikalar faoliyati qayta tashkil etildi. Bu haqda Sogʻliqni saqlash vazirligi xabar berdi.
Aytilishicha, mamlakatda ketma-ket uch yildirki, aynan yoz chillasida koronavirus infektsiyasi avj olmoqda.
Kasallikning aholi orasida keng tarqalishini oldini olish va uning asoratlarini yanada kamaytirish maqsadida maxsus poliklinikalar 24 soat davomida faoliyat olib bormoqda.
Ularda fuqarolardan PZR-test olinib, “COVID-box”lar berilishi yoʻlga qoʻyilgan. Ogʻir bemorlar esa koronavirusni davolashga ixtisoslashgan maxsus shifoxonalarga gospitalizatsiya qilinadi.
1-sonli Zangiota maxsus yuqumli kasalliklar shifoxonasi direktori oʻrinbosari Hilola Alimovaning soʻzlariga koʻra, kasallanish holatlari koʻp boʻlgani bilan, bemorlarda ogʻir va ranimatsion holatlar, shuningdek oʻpka zararlanishlari ancha kam uchramoqda.
“Murojaat qilganlarning 90 foizi vaktsina qabul qilmaganlar, qolgan 10 foizi vaktsina qabul qilgan lekin 1 yildan oshiq vakt oʻtgan. Kasallikning hozirgi kundagi alomatlari bu baland istima koʻtarilishi, tomoq ogʻrigʻi va burun oqishi. Oʻpkaning zararlanish holatlari juda kamdan kam uchramoqda”, deydi Hilola Alimova.
Hozirda ushbu muassasalarda xastalikni erta bosqichlarda aniqlash, bemorlarga oʻz vaqtida tashxis qoʻyish hamda zarur davo muolajalari olib borilmoqda.
Eslatib oʻtamiz, 27 iyun kuni Oʻzbekistonda 91 kishida kasallik aniqlandi. Koronavirus infektsiyasi qayd etilganlar soni 240569 nafarga yetdi.
Yangiliklar lentasi
0