Jamiyat

Surxondaryoda yana bir neandertal odam makoni aniqlandi

© Xokimiyat Surxandarinskoy oblastiPeщera Xatak v Surxandarinskoy oblasti
Peщera Xatak v Surxandarinskoy oblasti - Sputnik Oʻzbekiston, 1920, 29.06.2022
Obuna boʻlish
Yandex newsTelegram
Gʻor ichida qadimgi tosh qurollar,dumaloq oʻchoq qoldiqlari va kul saqlanib qolgan.
TOSHKENT, 29 iyun — Sputnik. Surxondaryoning Xatak gʻoridan 100-60 ming yil oldin yashagan neandertal odami hayotining toʻliq va buzilmagan manzarasi topildi. Bu haqda Surxondaryo viloyati hokimligi xabar berdi.
© Xokimiyat Surxandarinskoy oblastiPeщera Xatak v Surxandarinskoy oblasti
Peщera Xatak v Surxandarinskoy oblasti - Sputnik Oʻzbekiston, 1920, 29.06.2022
Peщera Xatak v Surxandarinskoy oblasti
Aytilishicha, oʻtgan yili Sherobod tumanida joylashgan Surxon davlat qoʻriqxonasi, Xatak boʻlimi, Bogʻli dara massivida 100-40 ming yillikka oid neantertal odam makoni topilgan. Hozirda arxeologlar qazishma ishlarini olib borishmoqda.
Qazishma davomida 100-60 ming yil oldin yashagan neandertal odami hayotining toʻliq va buzilmagan manzarasi (kul, dumaloq oʻchoq qoldiqlari) saqlanib qolganligi aniqlandi.
Shuningdek, vertikal qoyaning yuzasida 15-20 m balandlikda hosil boʻlgan va kirish juda qiyin boʻlgan qismida tosh qurollar, yovvoyi hayvonlarning maydalangan suyaklari ham topildi.
“Gʻorning fan uchun ahamiyatli tomoni shundaki, Surxondaryo viloyatining nafaqat togʻli Boysun tumani, balki Sherobod tumani ham ilk insonlar makoni sifatida oʻz isbotini topdi”, deyiladi xabarda.
Hozirda qazishma ishlari davom ettirilmoqda.
Eslatib oʻtamiz, oʻtgan yili Surxondaryo viloyati Sherobod tumanida paleolit davriga oid yodgorlik topilgandi. Unda Koʻhitang togʻining ichki qismida koʻplab gʻorlar shakllangani va ularning birida ibtidoiy odam ajdodlari mavsumiy boshpana sifatida foydalangani aniqlangan edi.
© Surxondaryo viloyati hokimligiSurxondaryodan yana bir neandertal odam makoni aniqlandi
Surxondaryodan yana bir neandertal odam makoni aniqlandi - Sputnik Oʻzbekiston, 1920, 29.06.2022
Surxondaryodan yana bir neandertal odam makoni aniqlandi
Yangiliklar lentasi
0