Jamiyat

Dam olish kunlari qanday ob-havo boʻladi

© Sputnik / Valeriy Melnikov / Fotobankka oʻtishJarkaya pogoda v Moskve
Jarkaya pogoda v Moskve  - Sputnik Oʻzbekiston, 1920, 02.07.2022
Obuna boʻlish
Yandex newsTelegram
Yakshanba kunlari janubiy hududlarning eng chekka qismida 43-45 daraja issiqqacha boʻlgan juda issiq ob-havo saqlanib turadi.
TOSHKENT, 2 iyul — Sputnik. Bugun kunduzi Oʻzbekiston boʻyicha havo harorati 35-38 daraja issiq atrofida boʻladi, deya xabar berdi Oʻzgidromet.
Dam olish kunlari issiq yana koʻtarila boshlaydi. Yakshanba kuniga kelib, harorat 38-41 daraja issiqqacha yetadi. Ushbu kunlarda janubiy hududlarning eng chekka qismida 43-45 daraja issiqqacha boʻlgan juda issiq ob-havo saqlanib turadi.
Bu issiq uzoq vaqt davom etmaydi. Keyingi hafta boshidan respublika hududiga Volgaboʻyi hududlaridan salqin havo kirib keladi. Dushanba kunidan harorat asta-sekin pasayishni boshlaydi va hafta katta qismida 30-35 daraja issiq atrofida, baʼzi joylarda 37-38 daraja issiqqacha boʻladi.
Respublika hududi katta qismida bugun va dam olish kunlari asosan kam bulutli ob-havo kuzatiladi, faqat Qoraqalpogʻistonda 3 iyulda qisqa muddatli yomgʻir yogʻishi, momaqaldiroq boʻlishi mumkin.
Respublika boʻyicha baʼzi joylarda shamol 15-20 m/s gacha kuchayishi, baʼzi joylarda chang-toʻzonlari kuzatilishi mumkin. 3 iyulda shimolda va choʻl hududlarda shamol 23-28 m/s gacha kuchayishi mumkin.
1-3 iyulda Fargʻona viloyati togʻoldi va togʻli hududlarida glyatsial (muz) sel-suv toshqin hodisalari yuzaga kelishi mumkin.
Yangiliklar lentasi
0