Dunyoda

Qirolicha Yelizaveta ІІ oʻz vazifalarining bir qismini oʻgʻliga topshirdi

© AFP / POOL / Chris JacksonKoroleva Velikobritanii Yelizaveta II
Koroleva Velikobritanii Yelizaveta II - Sputnik Oʻzbekiston, 1920, 04.07.2022
Obuna boʻlish
Yandex newsTelegram
Qirolichaning bir qator masʼuliyatli rasmiy vazifalari 73 yoshli Uels shahzodasi zimmasiga oʻtadi.
TOSHKENT, 4 iyul – Sputnik. Bukingem saroyi 96 yoshli qirolicha monarx sifatida "bajarishi kerak boʻlgan" vazifalarning bir qismini qisqartirdi. Bu haqda Daily Mail saroy manbasiga tayanib xabar berdi.
Aytilishicha, saroyning yillik hisobotida oʻn yil ichida birinchi marta qirolichaning vazifalari tahrirlangan.
Qirolicha Yelizaveta ІІ ning vazifalariga parlamentning rasmiy ochilishi, Bosh vazirni tayinlash, shuningdek, davlat tashriflari va boshqa davlatlar rahbarlarini qabul qilish kiradi.
Hujjatda qirolichaning vazifalari "qator parlament va diplomatik vazifalarni oʻz ichiga oladi" degan mazmun bilan birmuncha yumshatilgan. Qirolicha shuningdek, mamlakatga tashrif buyurgan davlat rahbarlarini ham qabul qiladi.
Nashrning yozishicha, qirolichaning bir qator masʼuliyatli rasmiy vazifalari 73 yoshli Uels shahzodasi zimmasiga oʻtadi.
Qayd etilishida, bu “kardinal” oʻzgarish emas, balki yubileydan keyingi kichik yangilanishdir.
Maʼlumot uchun, qirolicha Yelizaveta II 1952 yil taxtga oʻtirgan. Oʻshanda u 26 yoshda boʻlgan.
U yetti mamlakat jumladan, Buyuk Britaniya, Kanada, Avstraliya, Yangi Zelandiya, Janubiy Afrika, Pokiston va Tseylonning hamdoʻstlik rahbari va qirolichasi hisoblanadi.
70 yildan ortiq hokimiyat tepasida boʻlib turgan qirolicha, bu yil 96 yoshini nishonladi.
Yangiliklar lentasi
0