Jamiyat

Qoraqalpogʻistondagi namoyishda necha kishi jarohatlangani aytildi

© aokamediakontentMilliy gvardiya matbuot kotibi Davron Jumanazaro
Milliy gvardiya matbuot kotibi Davron Jumanazaro - Sputnik Oʻzbekiston, 1920, 04.07.2022
Obuna boʻlish
Yandex newsTelegram
Hozirda shifoxonalarda jami 94 nafar bemor davolanmoqda va ogʻir ahvolda boʻlganlari ham bor.
TOSHKENT, 4 iyul – Sputnik. 1-2 iyul kunlari Qoraqalpogʻistonda yuzaga kelgan ommaviy tartibsizliklar oqibatida 243 nafar fuqaro turli jarohatlar bilan shifoxonalarga murojaat qilgan. Ular orasida huquq-tartibot organlari xodimlari ham bor. Bu haqda Milliy gvardiya matbuot kotibi Davron Jumanazarov bugun boʻlib oʻtgan brifingda maʼlum qildi.
Jumanazarovga koʻra, jarohatlanganlarning 149 nafariga birinchi tibbiy yordam koʻrsatilib, muolajalarni uyida davom ettirishga ruxsat berilgan. Hozirda shifoxonalarda jami 94 nafar bemor davolanmoqda va ogʻir ahvolda boʻlganlari ham bor.
“Jumladan jarohatlanganlar orasida huquq-tartibot idoralari xodimlari ham bor. Masalan, Milliy gvardiya Qoraqolpogʻiston Respublikasi boʻyicha Qoʻriqlash boshqarmasi safdori koʻkrak kismidan oʻq otar jarohat olgan, shu boshqarma yana bir safdori chap oyoq boldiri suyagi yopiq sinishi, bir nafari Jizzax Milliy gvardiya boshqarmasi harbiy xizmatchisi bosh miya ochiq jarohati hamda Toshkent shahri Milliy gvardiya boshqarmasi serjanti bosh miya ochiq jarohati bilan davolanishyapti”, dedi Davron Jumanazarov.
Shuningdek, taʼkidlanishicha, 1-2 iyul kunlari tartibsizliklarda qatnashgani uchun voqea joylarda ushlangan 516 nafar fuqaro IIBga topshirilgan, ular bilan surishtiruv ishlari olib borilyapti, surishtiruv natijasiga koʻra ayrimlari maʼmuriy chora qoʻllanilgandan soʻng qoʻyib yuborilmoqda.
Prezident farmoni bilan favqulodda holat elon qilingandan soʻng, 3 iyuldan 4 iyulga oʻtar kechasi komendantlik tartibini buzgan, koʻchalarda bemaqsad yurgan 110 nafar fuqaro ushlanib, ichki ishlar idoralariga topshirilgan. 12 ta avtotransport vositasi jarima maydoniga joylashtirilgan.
Xususan, Nukus shahrida patrullik xizmati davomida komendantlik soatiga rioya qilmagan 58 nafarshaxs ushlangan. Shundan, 28 nafar shaxsga nisbatan Maʼmuriy javobgarlik toʻgʻrisidagi kodeksning 204-moddasi (favqulodda xolat tartibining talablarini buzish) boʻyicha maʼmuriy bayonnomalar rasmiylashtirilgan. Qolganlar bilan prrofilaktika suhbatlar oʻtkazilib, soat 7:00 dan keyin qoʻyib yuborilgan.
Yangiliklar lentasi
0