Siyosat

Nurdinjon Ismoilov Valentina Matviyenko bilan uchrashdi

© Press-slujba Soveta Federatsii Federalnogo SobraniyaPredsedatel Soveta Federatsii Valentina Matviyenko provela vstrechu so Spikerom Zakonodatelnoy palatы Oliy Majlisa Respubliki Uzbekistan Nurdinjonom Ismoilovыm.
Predsedatel Soveta Federatsii Valentina Matviyenko provela vstrechu so Spikerom Zakonodatelnoy palatы Oliy Majlisa Respubliki Uzbekistan Nurdinjonom Ismoilovыm. - Sputnik Oʻzbekiston, 1920, 06.07.2022
Obuna boʻlish
Yandex newsTelegram
Rossiya va Oʻzbekiston oʻrtasida uch yuz ellikka yaqin hujjatdan iborat mustahkam shartnomaviy-huquqiy baza yaratildi.
TOSHKENT, 6 iyul – Sputnik. Oliy Majlis Qonunchilik palatasi spikeri Nurdinjon Ismoilov Rossiya Federatsiyasi kengashi spikeri Valentina Matviyenko bilan uchrashdi. Bu haqda Rossiya Federatsiyasi kengashi xabar berdi.
Nurdinjon Ismoilov oʻz soʻzida Rossiya va Oʻzbekiston oʻrtasidagi munosabatlar izchil rivojlanib borayotganini, keng koʻlamli oʻzaro hamkorlikda sezilarli natijalarga erishilgani haqida toʻxtalib oʻtdi.
Valentina Matviyenkoning taʼkidlashicha, Rossiya va Oʻzbekiston oʻrtasidagi parlament hamkorligi doimo ishchanlik va doʻstona muhitda oʻtmoqda.
“Parlament diplomatiyasini rivojlantirish davlat va hukumat rahbarlari oʻrtasidagi aloqalarni toʻldiruvchi Rossiya va Oʻzbekiston hamkorligining ustuvor yoʻnalishiga aylandi. Rossiya va Oʻzbekiston oʻrtasida uch yuz ellikka yaqin hujjatdan iborat mustahkam shartnomaviy-huquqiy baza yaratilgani biz uchun muhim”, deydi Matviyenko.
U shuningdek, bu yil parlament faoliyati MDHga aʼzo davlatlar Parlamentlararo assambleyasining 30 yilligi ostida olib borilayotganini eslatib oʻtdi.
“Biz Oʻzbekistonning Toshkentda 27-28 oktyabr kunlari MDHga aʼzo davlatlar Parlamentlararo assambleyasining 30 yilligiga bagʻishlangan sessiyasini oʻtkazish boʻyicha tashabbusini yuqori baholaymiz”, deya qoʻshimcha qildi Matviyenko.
Uchrashuvda shuningdek, savdo-iqtisodiy va investitsiya sohalarida ilgari imzolangan davlatlararo kelishuvlar ijrosi ustidan parlament nazoratini amalga oshirish masalasiga ham eʼtibor qaratildi.
Yangiliklar lentasi
0