Iqtisod

Toshkentda Eron va Oʻzbekiston ishbilarmonlar forum boʻlib oʻtadi

© AFP 2022 / ANTONY DICKSONFlagi Irana i Uzbekistana
Flagi Irana i Uzbekistana - Sputnik Oʻzbekiston, 1920, 08.07.2022
Obuna boʻlish
Yandex newsTelegram
Forumda ikki mamlakat oʻrtasida qishloq xoʻjaligi, chorvachilik, tibbiyot, axborot texnologiyalari va oziq-ovqat sanoati kabi yoʻnalishlarda hamkorlikni rivojlantirish kutilmoqda.
TOSHKENT, 8 iyul – Sputnik. Toshkentda 19 iyul kuni “Eron-Oʻzbekiston fan va texnologiyalar forumi” oʻz ishini boshlaydi.
Aytilishicha, 20 iyul kuni Eronning savdo va texnologiyalar delegatsiyasi Toshkentga tashrif buyuradi.

“Eron delegatsiyasining tashrifi davomida amalga oshiriladigan maqsadli vazifalardan biri ikki mamlakat oʻrtasida texnologik bilimlar almashinuvi, qoʻshma korxonalarni tashkil etish, investitsiya jalb qilish va sanoatdagi zarur tovarlar hamda ehtiyojlarni taʼminlash hisoblanadi”, deyiladi xabarda.

Forumda Eron delegatsiyalari va Oʻzbekiston uyushmalari va tashkilotlari, shuningdek, tijorat, ishlab chiqarish va distribyutor kompaniyalari oʻrtasida “B2B” sessiyalari oʻtkaziladi.
Qayd etilishicha, uchrashuvlarda qishloq xoʻjaligi, chorvachilik, tibbiyot, axborot texnologiyalari va oziq-ovqat sanoati kabi yoʻnalishlarda oʻzaro manfaatli aloqalarni yoʻlga qoʻyish hamda hamkorlikni rivojlantirish koʻzda tutilgan.
Ushbu tadbirda ishtirok etish bepul.
Maʼlumot uchun, Eron Islom Respublikasi texnik-muhandislik xizmatlari sohasida koʻplab imkoniyatlarga hamda bu sohada 40 mlrd dollarlik eksport salohiyatiga ega mamlakatdir.
Hozirgi kunda Eron farmatsevtika mahsulotlarini Rossiya, Turkiya, Iroq, Suriya va boshqa Lotin Amerikasi mamlakatlariga eksport qilmoqda.
Yangiliklar lentasi
0