Jamiyat

“Xalqqa ziyon yetkazilmasin degan buyruq boʻlgan”: Harbiylar Nukusdagi namoyishlar haqida

© Foto: Mudofaa vazirligiVideodan kadr
Videodan kadr - Sputnik Oʻzbekiston, 1920, 10.07.2022
Obuna boʻlish
Yandex newsTelegram
Mudofaa vazirligi Qoraqalpogʻistonda namoyishchilar tomonidan toʻxtatilgan BTR maxsus texnikasi ichida boʻlgan harbiylarning intervyusini eʼlon qildi.
TOSHKENT, 10 iyul — Sputnik. Mudofaa vazirligi Nukusdagi namoyishlar haqida videorolik eʼlon qildi. Unda harbiy xizmatchilar oʻsha vaqtda boʻlgan voqealarni soʻzlab berishdi.
"Qurol ishlatmaslik boʻyicha buyruq olgandik. Chunki u yerda tinch, oddiy xalq bor edi. Hamma oʻzining doimiy joylashuv joyiga, harbiy qism va postlariga yetib borishi boʻyicha ‘komanda’ oldik. Shaxsiy tarkibimga zudlik bilan BTR texnikasiga oʻtirishini tayinladim va harakatni boshladik", — deydi BTR ekipaji komandiri Rustam Bobojonov.
Uning soʻzlariga koʻra, uning guruhi 17:30 lar atrofida harakatni boshlagan boʻlsa, doimiy joylashuv joyiga qarab taxminan 500 metrlar yurgan.
"Doimiy joylashuv joyimizga ketayotgan paytimizda BTR haydovchisi ‘oʻrtoq kapitan, bir kilometrlar uzoqroqda 300—400 nafardan ortiq olomon turibdi, bizning yoʻlimizni toʻsyapti. Qoʻllarida har xil temir jismlar, armatura, loʻm, yonuvchi aralashmalari bor’, dedi. Hamma narsaga tayyor turish boʻyicha ‘komanda’ berdim. Shu payt harbiy qismga aloqaga chiqdim, bizga yordamchi kuch kerak, oldimizdan 300-400, orqamizdan 100-200 olomon yopirilib kelyapti", — deydi kapitan.
Uning aytishicha, odamlar texnikalarga zarba berishni, oynalarini sindirishni boshlagan.
"Asosiy maqsadimiz qoraqalpoq xalqining tinchligini saqlash boʻlgani sababli oʻsha payt texnikamiz bilan xalqning ustiga bostirib haydamadik. Xalqqa qurol ishlatmadik, ularning birortasining joniga ozor berganimiz yoʻq. Hammasiga chidab, bolalar bilan qasamyodga sodiqligimizni isbotladik", — deydi Rustam Bobojonov.
Uning taʼkidlashicha, qoraqalpoq xalqi — tushungan xalq. Ularga oʻsha yovuz kuchlar taʼsiriga tushib qolganini ham tushungan. Tushungani uchun ham tartibsizliklar toʻxtadi.
Harbiylarning aytishicha, BTR lyuki metall buyumlar yordamida ochilgan. Ichkarida boʻlganlar esa kaltaklangan.
Yangiliklar lentasi
0