Jamiyat

Qoraqalpogʻistonlik abituriyentlar uchun OTMga qabul muddati uzaytiriladi

© Depositphotos / DimaberkutRuki nad klaviaturoy
Ruki nad klaviaturoy  - Sputnik Oʻzbekiston, 1920, 11.07.2022
Obuna boʻlish
Yandex newsTelegram
Oliy taʼlim vazirligi Qoraqalpogʻistondagi internet bilan bogʻliq muammolar tufayli respublikadagi abituriyentlar uchun qabul muddati uzaytirilishini maʼlum qildi.
TOSHKENT, 11 iyul — Sputnik. Qoraqalpogʻistondagi internet bilan bogʻliq muammolar tufayli respublikadagi abituriyentlar uchun OTMlarga qabul muddati uzaytiriladi. Bu haqda Oliy va oʻrta maxsus taʼlim vazirligi matbuot xizmati xabar berdi.
Kecha, 10 iyul kuni, OTMning chet tilidan kasbiy (ijodiy) imtihon oʻtkaziladigan taʼlim yoʻnalishlari hamda akademik litseylarga qabulning soʻnggi kuni edi. Taʼkidlanishicha, hozirda Qoraqalpogʻiston hududida internet tizimida ayrim texnik nosozliklar tufayli hujjatlarni onlayn topshirishda uzilishlar kuzatilmoqda.
“Ammo xavotirga oʻrin yoʻq. Bu jarayon hukumat tomonidan toʻliq nazoratga olingan boʻlib, hozirda hujjat topshirishga ulgura olmagan qoraqalpogʻistonlik yoshlar uchun onlayn roʻyxatdan oʻtish muddati uzaytirilishi kutilmoqda”, - deyiladi vazirlik xabarida.
Qayd etilishicha, ushbu masala tez orada ijobiy yechimini topadi va bu haqidagi maʼlumot qoraqalpogʻistonlik abituriyentlar hamda ularning ota-onalariga (Beeline, Uzmobile, Ucell, UMS, Perfectum mobile) SMS xabar tarzida, shuningdek, hududiy telekanallar orqali yetkaziladi.
Eslatib oʻtamiz, roʻyxatdan oʻtish Yagona interaktiv davlat xizmatlari portali va Davlat test markazi veb-sayti orqali amalga oshiriladi.
Abituriyentlarga test sinovi topshiriladigan fanlar majmuasi va ketma-ketligi bir xil boʻlgan beshtagacha bakalavriat taʼlim yoʻnalishlarini hamda bir vaqtning oʻzida barcha taʼlim shakllarini (kunduzgi, sirtqi, kechki, masofaviy) tanlash huquqi beriladi.
Test sinovlari ochiq maydonlarda oʻtkaziladi - DTM
Shuningdek, roʻyxatdan oʻtish jarayonida tanlangan bakalavriat taʼlim yoʻnalishlari ustuvorligiga qarab dastlab davlat granti, keyinchalik toʻlov-kontrakt asosida tanlovda ishtirok etish imkoniyati beriladi.
Yangiliklar lentasi
0