Jamiyat

Ikkinchi mutaxassislikka hujjatlar qabuli boshlandi

© Sputnik / Vitaliy Ankov / Fotobankka oʻtishStudentы, arxivnoye foto
Studentы, arxivnoye foto - Sputnik Oʻzbekiston, 1920, 12.07.2022
Obuna boʻlish
Yandex newsTelegram
Oʻzbekiston OTMlaridagi ikkinchi mutaxassislikka hujjatlar10 avgustga qadar qabul qilinadi.
TOSHKENT, 12 iyul — Sputnik. Oʻzbekistonda oliy taʼlim muassasalaridagi ikkinchi mutaxassislikka hujjatlar qabuli boshlandi. Bu haqda Oliy va oʻrta maxsus taʼlim vazirligi matbuot xizmati xabar bermoqda.
Davlat oliy taʼlim muassasalariga ikkinchi va undan keyingi oliy maʼlumot boʻyicha oʻqitishga nomzodlardan arizalar vazirlikning ikkinchitalim.edu.uz platformasi orqali onlayn qabul qilinadi.
Bunda nomzodlar platformada:
oʻz pasport maʼlumotlari, JSHSHIR maʼlumoti haqida axborotlarni kiritadi;
diplom va uning ilovasi elektron nusxasini yuklaydi;
oʻqish istagini bildirgan oliy taʼlim muassasasi va taʼlim yoʻnalishini tanlaydi.
Bunda, xorijiy davlatlar taʼlim muassasalarining 1992 yil 1 yanvardan keyin berilgan diplomlari belgilangan tartibda nostrifikatsiyadan oʻtkazilgan boʻlishi lozim.
Ikkinchi va undan keyingi oliy maʼlumot boʻyicha oʻqitish toʻlov-kontrakt asosida amalga oshiriladi. Arizalar 10 avgustga qadar qabul qilinadi.
Yangiliklar lentasi
0