Dunyoda

Favqulodda holat va isteʼfoga chiqqan prezident: Shri-Lankada nimalar roʻy bermoqda

© AFP 2022Demonstrantы prinimayut uchastiye v antipravitelstvennoy aktsii protesta v Kolombo
Demonstrantы prinimayut uchastiye v antipravitelstvennoy aktsii protesta v Kolombo - Sputnik Oʻzbekiston, 1920, 13.07.2022
Obuna boʻlish
Yandex newsTelegram
Shri-Lankada apreldan buyon davom etib kelayotgan norozilik namoyishlari prezidentning isteʼfoga chiqishi, mamlakatda favqulodda holat eʼlon qilinishiga olib keldi.
TOSHKENT, 13 iyul — Sputnik. Shri-Lankada norozilik namoyishlari ortidan prezident Gotabaya Rajapaksa isteʼfoga chiqib mamlakatni tark etdi. Bosh vazir Ranil Vikramasingxe davlat rahbari vakolatlariga ega boʻldi. Mamlakatda davom etayotgan norozilik namoyishlari favqulodda holat joriy etishga olib keldi.

Hukumat oʻzgarishi

Shri-Lankiprezidenti 12 iyul kuni isteʼfoga chiqish toʻgʻrisidagi arizaga imzo chekdi. 13 iyulga oʻtar kechasi u rasman vakolatlarini bosh vazirga topshirdi va oʻz qarorini “mamlakatdan uzoqda ekanini” bilan izohladi.
Rajapaksa haqiqatdan orolni mahalliy vaqt bilan soat 03:00 tark etgan va birinchi xonim hamrohligida harbiy samolyotda Maldivga kelgan.

Favqulodda holat rejimi

Shri-Lanki hukumati siyosiy nomuayyanlik sabab zoʻravonlik holatlari ortib ketishidan xavotir olishmoqda. Vikramasingxe mamlakatda favqulodda holat eʼlon qildi, orol gʻarbida komendantlik soati kiritilgan.
Bosh vazir namoyishchilar harakatlanayotgan yengil va yuk mashinalarini musodara qilishni buyurdi. Temir yoʻllar ishlashda davom etishadi.
Harbiylar muxolifat unga efir vaqtini ajratishni talab qilgandan soʻng teleradio kompaniyalari ofislarini qoʻriqlashni boshlashdi.
Amerika elchixonasi “xavfsizlik nuqtai nazaridan kelib chiqib” konsul xizmatlarini koʻrsatishni toʻxtatib qoʻydi, Rossiya elchixonasi odatiy ravishda ishlamoqda.

Qarorgohlarga uyushtirilgan hujum

Namoyishchilar oʻtgan shanba kuni prezident qarorgohiga hujum qilib, unga bostirib kirishdi. Endi mamlakatning butun hududi boʻylab odamlar unga kirish uchun Kolomboga kelishmoqda. Ular u yerdagi basseynda choʻmilishga va oshxonada oʻzlariga yegulik tayyorlashga ulgurishdi.
Aktsiya ishtirokchilari bosh vazir qarorgohiga ham bostirib kirishga urinishmoqda. Ijtimoiy tarmoqlarda tarqalgan videolarga koʻra ular buning uddasidan chiqishgan.

Endi nima boʻladi

Prezident lavozimiga bosh vazir Vikramasingxedan tashqari “Shri-Lanka xalq frontidan” boʻlgan deputut Dalles Alaxapperuma va “Birlashgan milliy kuchlar” muxolifat partiyasi yetakchisi Sajit Premadasu daʼvogarlik qilmoqda.
Parlament mamlakatning yangi prezidentini bir haftadan keyin, 20 iyul kuni aniqlaydi. Gʻolib boʻlgan nomzod mamlakatning 2024 yil noyabrigacha boshqaradi.
Yangi davlat rahbarining asosiy vazifalari apreldan buyon davom etib kelayotgan norozilik namoyishlarini toʻxtatish, fuqarolarni yoqilgʻi, oziq-ovqat va birinchi zaruriy tovarlar (aynan ular taqchilligi hozir inqirozni keltirib chiqardi) bilan taʼminlash hamda mamlakat iqtisodiyotini tiklashdan iborat boʻladi.
Yangiliklar lentasi
0