Hodisalar

Toshkentda elektrosamokat ishtirokidagi YTHda bir kishi halok boʻldi

© Sputnik / Anton DenisovSamokatы, arxivnoye foto
Samokatы, arxivnoye foto - Sputnik Oʻzbekiston, 1920, 13.07.2022
Obuna boʻlish
Yandex newsTelegram
27 yoshli fuqaro elektrosamokatda harakatlanib ketayotib, boshqaruvni yoʻqotgan.
TOSHKENT, 13 iyul — Sputnik. Toshkent shahri Shayxontohur tumanida elektrosamokat ishtirokidagi YTH sodir boʻldi. Bu haqda poytaxt IIBB matbuot xizmati xabar bermoqda.
Hodisa 5 iyul kuni kuni taxminan soat 01:55 larda tumandagi Qoratosh koʻchasida roʻy bergan. 27 yoshli fuqaro S.V. elektrosamokatda harakatlanib ketayotib, boshqaruvni yoʻqotgan. Buning natijasida yoʻldan chiqib, ariqqa tushib ketgan.
YTH oqibatida elektrosamokat haydovchisi ogʻir tan jarohatlari olib, kasalxonaga yotqizilgan. Biroq koʻrsatilgan muolajalariga qaramay u 11 iyul kuni vafot etgan.
Jinoyat kodeksining 266-moddasi 2-qismida (Transport vositalari harakati yoki ulardan foydalanish xavfsizligi qoidalarini buzish odam oʻlimiga sabab boʻlishi) nazarda tutilgan jinoyat alomatlari bilan jinoyat ishi qoʻzgʻatilgan.
Yangiliklar lentasi
0