Jamiyat

Buxoroda fuqaro xonadoniga antiqa qush kirib qoldi

© Buxoro viloyati Ekologiya boshqarmasi Buxoroda fuqaro xonadoniga antiqa qush kirib qoldi
Buxoroda fuqaro xonadoniga antiqa qush kirib qoldi - Sputnik Oʻzbekiston, 1920, 14.07.2022
Obuna boʻlish
Yandex newsTelegram
Xonadon koʻzdan kechirilganda, noyob qush Qizil kitobga kiritilganligi maʼlum boʻldi.
TOSHKENT, 14 iyul — Sputnik. Buxorodagi xonadonlarning biriga kirib qolgan yoʻrgʻa tuvaloq tabiat qoʻyniga qoʻyib yuborildi. Bu haqida Buxoro viloyati Ekologiya boshqarmasi xabar berdi.
Aytilishicha, 14 iyul kuni Jondor tumanida yashovchi fuqaro tuman Ekologiya boʻlimiga telefon orqali murojaat etib, xonadoniga antiqa qush kirib qolganligi toʻgʻrisida xabar bergan.
“Ekologiya inspektorlari tezkorlik bilan aytilgan manzilga yetib borishdi va ushbu noyob qush Qizil kitobga kiritilgan yoʻrgʻa tuvaloq ekanligini aniqlashdi”, deyiladi xabarda.
Qayd etilishicha, yoʻrgʻa tuvaloqning holati koʻzdan kechirilib, uning sogʻlom ekani maʼlum boʻlgan.
Shundan soʻng, u Buxoro viloyati Ekologiya va atrof-muhitni muhofaza qilish boshqarmasi inspektorlari bilan hamkorlikda tabiat qoʻyniga qoʻyib yuborildi.
Yangiliklar lentasi
0