Jamiyat

Shota Rustaveli koʻchasi toʻliq rekonstruktsiya qilinadi

© Sputnik / Grigoriy Sыsoyev / Fotobankka oʻtishRemont asfaltobetonnogo pokrыtiya na Leningradskom shosse
Remont asfaltobetonnogo pokrыtiya na Leningradskom shosse - Sputnik Oʻzbekiston, 1920, 14.07.2022
Obuna boʻlish
Yandex newsTelegram
“Grand Mir Hotel” mehmonxonasidan Yangi Sergeli koʻchasiga qadar 6,5 km yoʻl qismida rekonstruktsiya ishlari olib boriladi.
TOSHKENT, 14 iyul — Sputnik. Toshkent shahri Yakkasaroy tumanidagi Shota Rustaveli koʻchasi toʻliq rekonstruktsiya qilinadi. Bu boʻyicha 13 iyul kuni poytaxt hokimi Jahongir Ortiqxoʻjayev qaror imzoladi.
Hujjatga koʻra, tumanda joylashgan “Grand Mir Hotel” mehmonxonasidan Yangi Sergeli koʻchasiga qadar 6,5 km yoʻl qismi rekonstruktsiya qilinadi. Shuningdek, obodonlashtirish, drenaj va sugʻorish tizimi, yoʻl boʻyida piyodalar va velospedchilar yoʻlaklarini barpo etish rejalashtirilgan.
Hokimlik huzuridagi “Yagona buyurtmachi xizmati” kompaniyasi loyihalash va qurilish, taʼmirlash hamda obodonlashtirish ishlarini amalga oshirish boʻyicha buyurtmachi etib belgilandi.
Obʼyektda amalga oshiriladigan ishlar uchun talab qilinadigan mablagʻ Toshkent shahar mahalliy byudjetidan qoplash sharti bilan tijorat banklaridan kreditlar jalb qilinadi.
Eslatib oʻtamiz, avvalroq Shota Rustaveli koʻchasi obodonlashtirilayotgani maʼlum qilingandi. Ushbu koʻchada joylashgan Shota Rustaveli haykalini asli saqlangan holda, salobatini yoʻqotmaslik maqsadida 50 smga balandroq koʻtarish ham rejalashtirilgan.
Yangiliklar lentasi
0