Siyosat

Mirziyoyev Samarqanddagi bunyodkorlik ishlari boʻyicha yangi koʻrsatmalar berdi

© zbekiston Respublikasi Prezidenti Matbuot xizmatiPrezident Samarqanddagi bunyodkorlik ishlarini koʻzdan kechirdi.
Prezident Samarqanddagi bunyodkorlik ishlarini koʻzdan kechirdi.  - Sputnik Oʻzbekiston, 1920, 16.07.2022
Obuna boʻlish
Yandex newsTelegram
Samarqanda qurilayotgan Turizm markazida xalqaro anjumanlar oʻtkazish uchun zamonaviy sharoitlar yaratish, xalqning madaniyati, maʼrifati, milliy taomlarini namoyon etish boʻyicha tavsiyalar berildi.
TOSHKENT, 16 iyul — Sputnik. Samarqanddagi Imom Buxoriy majmuasi ulkan madaniy markazga aylanadi. Bu boʻyicha prezident mutasaddilarga yangi koʻrsatmalar berdi.
Prezident Samarqanddagi bunyodkorlik ishlarini koʻzdan kechirdi. Dastavval, Imom Buxoriy majmuasida olib borilayotgan qurilish ishlari bilan tanishdi va ziyoratchilarga barcha qulayliklarni yaratish boʻyicha koʻrsatmalar berdi.
Qayd etilishicha, majmuada qariyb 10 ming namozxonga moʻljallangan masjid, toʻrtta minora, ayvonlar barpo etilmoqda. Majmua yonida mehmonxonalar, avtoturargoh, avtobekat, oshxonalar, savdo rastalari, tahoratxonalar ham quriladi.
“Inshoolloh, bu majmua ochilganidan keyin ziyoratchilar yanada koʻpayadi. Ayniqsa, nuroniylar koʻp keladi. Ular uchun barcha qulayliklarni inobatga olish kerak. Bu joy nafaqat diniy va maʼrifiy, balki ulkan madaniy markaz ham boʻlishi zarur. Shu bois eng yaxshi gulchilarni olib kelib, majmuani qishin-yozin gulzor qilib qoʻyish kerak”, deydi Shavkat Mirziyoyev.
Prezidentimiz Samarqand tumanida barpo etilayotgan Turizm markazini ham borib koʻrdi.
Bu yerda 8 ta mehmonxona, kongress xoll, "Abadiy shahar" karvonsaroyi qurilmoqda. Eshkak eshish kanali tartibga keltirilib, atrofda bogʻ yaratilmoqda.
“Ushbu majmua turizm sohasidagi barcha xalqaro standartlarga mosligi, eng zamonaviy xizmat koʻrsatish salohiyati bilan nafaqat Samarqand viloyati va mamlakatni, balki butun mintaqada turizm industriyasini yangi bosqichga koʻtaradi”, deyiladi xabarda.
Prezident bu yerda yirik xalqaro anjumanlar oʻtkazish uchun zamonaviy sharoitlar yaratish, xalqning madaniyati, maʼrifati, milliy taomlarini namoyon etish boʻyicha tavsiyalar berdi.
Yangiliklar lentasi
0