Dunyoda

Afgʻonistondan Oʻzbekistonga snaryad uchirgan guruh ushlandi — video

© AP PhotoBoyeviki Talibana patruliruyut rayon Vazir Akbar Xan v gorode Kabul, Afganistan
Boyeviki Talibana patruliruyut rayon Vazir Akbar Xan v gorode Kabul, Afganistan - Sputnik Oʻzbekiston, 1920, 17.07.2022
Obuna boʻlish
Yandex newsTelegram
Operatsiya davomida jinoiy guruhning 3 nafar aʼzosi oʻldirilgan, 5 nafari hibsga olingan.
TOSHKENT, 17 iyul — Sputnik. Afgʻoniston muvaqqat hukumati rasmiy vakili Zabihulloh Mujohid Afgʻonistondan Oʻzbekistonga snaryad otgan guruh ushlanganini maʼlum qildi.
“Kuni kecha Qunduzning Imom Sohib tumanidagi Qanjagʻa hududida Islom Amirligi maxsus boʻlinmalari ‘Xavorijlar‘ markazini topib, yoʻq qildi. Ushbu operatsiya davomida 3 nafar xavorij oʻldirildi, besh nafari tiriklayin qoʻlga olindi. Ularning avtomashinalari va qurollari musodara qilindi. Yaqinda ular Oʻzbekiston va Tojikistonni raketa bilan oʻqqa tutgandi”, - deya yozgan Mujohid Twitter’dagi sahifasida.
Eslatib oʻtamiz, Surxondaryo viloyatining Termiz shahriga 5 iyul kuni Afgʻoniston tomondan 5 ta snaryad kelib tushgan edi. Snaryadlar portlamagan, halok boʻlganlar va jarohatlanganlar boʻlmagan. Termiz shahridagi "Majnuntol" mahallasida joylashgan toʻrtta xususiy uyga kichik zarar yetgan, snaryadlardan bittasi futbol maydonidan topilgan. Topilgan snaryadlarni sapyor birligi zararsizlantirgan.
Yangiliklar lentasi
0