Jamiyat

Oʻzbekistonlik oʻquvchilar Xalqaro kimyo olimpiadasida 4 ta kumush medalni qoʻlga kiritdi

© Foto: MNO UzbekistanaUzbekskiye shkolniki zavoyevali 4 “serebra” na mejdunarodnoy ximicheskoy olimpiadы v Kitaye
Uzbekskiye shkolniki zavoyevali 4 “serebra” na mejdunarodnoy ximicheskoy olimpiadы v Kitaye - Sputnik Oʻzbekiston, 1920, 18.07.2022
Obuna boʻlish
Yandex newsTelegram
Kumush medalni qoʻlga kiritgan gʻolib oʻquvchilarga 90 mln soʻm, oʻqituvchilariga – 75 mln soʻmdan pul mukofotlari topshiriladi.
TOSHKENT, 18 iyul — Sputnik. Xitoyda oʻtkazilgan 54-Xalqaro kimyo olimpiadasida oʻzbekistonlik oʻquvchilar 4 ta kumush medalni qoʻlga kiritdi. Bu haqda Xalq taʼlimi vazirligi matbuot xizmati xabar bermoqda.
Masofaviy tarzda oʻtkazilgan olimpiadada dunyoning 80 ta davlatidan 320 nafar oʻquvchi ishtirok etgan.
Mazkur nufuzli olimpiadada quyidagi oʻzbekistonlik oʻquvchilar kumush medaliga sazovor boʻlishdi:
Maftuna Badalova - Abu Ali ibn Sino nomidagi yosh biologlar va kimyogarlar ixtisoslashtirilgan maktab-internatining 11-sinf oʻquvchisi;
Azimjon Jamolov - Abu Ali ibn Sino nomidagi yosh biologlar va kimyogarlar ixtisoslashtirilgan maktab-internatining 11-sinf oʻquvchisi;
Ikromiddin Boymahammadov - Abu Ali ibn Sino nomidagi yosh biologlar va kimyogarlar ixtisoslashtirilgan maktab-internatining 11-sinf oʻquvchisi;
Sherzod Shaymatov - Navoiy viloyati, Navoiy shahridagi 11-AFCHOʻIMning 11-sinf oʻquvchisi.
Kumush medalni qoʻlga kiritgan gʻolib oʻquvchilarga 90 mln soʻm, oʻqituvchilariga – 75 mln soʻmdan pul mukofotlari topshiriladi.
Medal sohiblari oliy taʼlim muassasasiga test sinovlarisiz, davlat granti asosida qabul qilinadi.
Avvalroq Toshkent pediatriya instituti akademik litseyi oʻquvchisi Aziza Abduvaliyeva Armanistondagi 33-Xalqaro biologiya olimpiadasida, Buxoro viloyati Qorakoʻl tumanidagi Xalqaro matematika maktabi oʻquvchisi Lazizbek Rajabboyev Norvegiyadagi 63-Xalqaro matematika olimpiadasida bronza medalini qoʻlga kiritgani xabar qilingan edi.
Yangiliklar lentasi
0