Dunyoda

Qurʼonni 500 metrli qogʻozga koʻchirgan xattot yangi rekord oʻrnatdi - video

© Pixabay / İbrahim Mücahit Yıldız Koran, illyustrativnoye foto
Koran, illyustrativnoye foto - Sputnik Oʻzbekiston, 1920, 18.07.2022
Obuna boʻlish
Yandex newsTelegram
27 yoshli xattot Mustafo bin Jamil Qurʼoni karimni yozish uchun 7 oy vaqt ketganini aytgan.
TOSHKENT, 18 iyul — Sputnik. Kashmirlik xattot uzunligi 500 metr va eni 14,5 dyuym boʻlgan qogʻozga butun Qurʼonni yozib, yangi rekord oʻrnatdi. Bu haqda Oʻzbekiston musulmonlari idorasi xodimi Ilyosxon Ahmedov xabar berdi.
27 yoshli xattot Mustafo bin Jamil mahalliy matbuotga Qurʼoni karimni yozish uchun 7 oy vaqt ketgani, bu vaqt mobaynida Hindistonning Dehli shahridan olib kelgan maxsus xattotlik qalamlari va 85 gramm qogʻozdan foydalanganini aytgan.
Xattot Mustafo bin Jamil ushbu noyob yutugʻi bilan isteʼdodli shaxslarni aniqlash va ularning malakasini xalqaro maydonda oshirishga bagʻishlangan (Lincoln Book of Records) tashkilotida noyob rekord oʻrnatishga muvaffaq boʻlgan.
“Qurʼonni hech bir mohir murabbiyning koʻrsatmasisiz yozishga muvaffaq boʻldim, shuning uchun ham, ayniqsa, qoʻlyozma Qurʼon 450 sahifadan iborat boʻlgani uchun, koʻp vaqt talab qildi”, deydi xattot.
Maʼlumot uchun, Mustafo bin Jamil Kashmir shimolidagi Bandipor mintaqasidagi Gorez vodiysida voyaga yetib, oʻz isteʼdodini isbotlaydigan noyob yutuqga erishish istagida Qurʼoni karimni qogʻozga yozgan.
Oʻzbekistonda “Usmon Mushafi”ning aynan nusxasi yaratildi
Yangiliklar lentasi
0