Iqtisod

Xotin-qizlarga imtiyozli shartlarda taʼlim kreditlari ajratiladi

© Sputnik / Vitaliy AnkovStudentы v auditorii
Studentы v auditorii - Sputnik Oʻzbekiston, 1920, 19.07.2022
Obuna boʻlish
Yandex newsTelegram
Tijorat banklariga Davlat byudjetidan mablagʻ ajratishning yangi tizimi joriy etildi.
TOSHKENT, 19 iyul — Sputnik. 2022/2023 oʻquv yilidan boshlab respublikadagi barcha xususiy, xorijiy va davlat oliy, oʻrta maxsus va professional taʼlim tashkilotlarida xotin-qizlarning toʻlov-kontrakt asosida oʻqishlari uchun imtiyozli shartlarda taʼlim kreditlari ajratiladi. Bu 18 iyul kuni prezident imzolagan qarorda nazarda tutilgan.
Taʼkidlanishicha, mazkur hujjat taʼlim tashkilotlarida tahsil olish istagidagi xotin-qizlar uchun yanada qulay shart-sharoitlar yaratish, ularning ilmiy salohiyati va malakasini tizimli oshirib borishni qoʻllab-quvvatlash maqsadida qabul qilingan.
Unga koʻra, tijorat banklariga Davlat byudjetidan mablagʻ ajratishning yangi tizimi joriy etildi.
Kunduzgi, sirtqi va kechki taʼlim shakli uchun xotin-qizlarga:
tijorat banklari Moliya vazirligi tomonidan joylashtiriladigan depozit mablagʻlari hisobidan taʼlim kreditlarini 14 foiz stavkada ajratadi;
taʼlim kreditining asosiy qismi talabaning rasmiy oʻqish muddati tugagandan soʻng yettinchi oydan boshlab 7 yil davomida qaytariladi;
taʼlim krediti boʻyicha foiz stavkalarini soʻndirish Moliya vazirligi huzuridagi Taʼlim kreditini moliyalashtirish jamgʻarmasi mablagʻlari hisobidan, ularni tijorat banklariga toʻlash orqali amalga oshiriladi;
taʼlim kreditini rasmiylashtirishda va uning qaytarilishida talabaning doimiy daromad manbaiga ega boʻlgan oila aʼzolari va boshqa uchinchi shaxs birgalikda qarz oluvchi sifatidaqatnashishiga ruxsat etiladi.
Shuningdek, “Ijtimoiy himoya yagona reyestri”ga kirgan oilalarning xotin-qizlariga ajratiladigan taʼlim kreditlari uchun garov va kafilliklar talab etilmaydi.
Yangiliklar lentasi
0