Jamiyat

Professional taʼlim muassasalariga oʻqishni koʻchirish boshlandi

Pustoy klass - Sputnik Oʻzbekiston, 1920, 20.07.2022
Obuna boʻlish
Yandex newsTelegram
Kasb-hunar maktablari, kollej va texnikumlarda oʻqishni koʻchirish yuzasidan arizalar 20 iyuldan 10 avgustga qadar qabul qilinadi.
TOSHKENT, 20 iyul — Sputnik. Bugundan professional taʼlim muassasalariga oʻqishni koʻchirish boshlandi. Bu haqida Oliy va oʻrta maxsus taʼlim vazirligi xabar berdi.
Kasb-hunar maktablari, kollej va texnikumlarda oʻqishni koʻchirish yuzasidan arizalar 20 iyuldan 10 avgustga qadar qabul qilinadi.
Oʻqishini koʻchirish istagida boʻlganlar taʼlim muassasasida tashkil etilgan Ishchi guruhga hujjatlarni taqdim etishi kerak.
Hujjatlar roʻyxati:
Ariza (oʻquvchi yoki voyaga yetmagan boʻlsa uning ota-onasi tomonidan);
Professional taʼlim muassasasi tomonidan berilgan akademik maʼlumotnoma;
Oʻquvchining kursdan kursga oʻtganligi toʻgʻrisidagi buyruqdan koʻchirma;
Oʻquvchining pasport yoki tugʻilganlik toʻgʻrisidagi guvohnomasi hamda ota-onasi (yoki ularning oʻrnini bosuvchi shaxslar)ning doimiy yashash joyi koʻrsatilgan pasporti nusxasi.
Qayd etilishicha, oʻqishni koʻchirish tartibi Adliya vazirligining yuridik texnikumlari uchun amalga oshirilmaydi.
Yangiliklar lentasi
0