Jamiyat

Toshkentdan Omsk, Perm va Ufaga qatnovchi avtobuslar harakati qayta tiklanadi

© Sputnik / Ramiz BaxtiyarovElektrobusы
Elektrobusы - Sputnik Oʻzbekiston, 1920, 20.07.2022
Obuna boʻlish
Yandex newsTelegram
“Toshkent – Krasnodar” yangi muntazam xalqaro avtobus yoʻnalishida ham qatnovlar amalga oshirilishi kutilmoqda.
TOSHKENT, 20 iyul — Sputnik. Yoʻlovchilar oqimidan kelib chiqqan holda “Toshkent – Omsk”, “Toshkent – Perm”, “Toshkent – Ufa” yoʻnalishidagi avtobus qatnovlari bosqichma-bosqich qayta tiklanadi. Bu haqida AOKAda Transport vazirligi axborot xizmati rahbari Navroʻz Ashurmatov ishtirokida oʻtkazilgan brifingda maʼlum qilindi.
Ashurmatovning soʻzlariga koʻra, vazirlik “Toshkent – Krasnodar” yangi muntazam xalqaro avtobus yoʻnalishi hujjatlari tayyorlab, kelishish uchun Rossiya Transport vazirligiga yuborgan.
Bugundan boshlab “Toshkent” avtovokzali orqali “Toshkent–Sankt-Peterburg” yoʻnalishida qatnovlar boshlandi.
Avtobus qatnovlarlari haftada ikki marotaba chorshanba va shanba kunlari amalga oshiriladi. Chipta narxi 1 mln 250 ming soʻm.
18 iyuldan boshlab qayta tiklangan avtobus yoʻnalishlari:.
“Toshkent–Moskva” yoʻnalishi- haftada ikki marotaba dushunba va payshanba kunlari. Chipta narxi 1 mln soʻm.
“Toshkent-Qozon” yoʻnalishi- haftaning seshanba va juma kunlari. Chipta narxi 800 ming soʻm.
“ Xorjiy davlatlarga avtobus qatnovlari orqali joʻnab ketishni rejalashtirayotgan fuqarolarimizdan turli-tuman noqonuniy ravishda faoliyat koʻrsatayotgan tashuvchilar xizmatlaridan foydalanmasliklarini soʻrab qolamiz. “Toshkent” avtovokzali orqali tashkil etilayotgan reyslarda ishonchli xizmat koʻrsatilishi kafolatlanadi”, deyiladi xabarda.
Mazkur yoʻnalishlarda qatnovlar “Uzautotrans service” MCHJ korxonasining “Yutong” rusumli avtobuslarida amalga oshiriladi. Yoʻnalishga chiqayotgan har bir avtobusga 3 nafardan haydovchi biriktirilgan.
Yoʻnalishlarga chiqishdan oldin har bir haydovchi tibbiy koʻrikdan, avtobuslar esa texnik koʻrikdan oʻtkaziladi. Qatnov davomida har toʻrt soatda haydovchilar almashadi.
Eslatib oʻtamiz, 18 iyuldan Oʻzbekiston va Rossiya shaharlari oʻrtasida avtobus qatnovi qayta tiklandi. Qatnov koronavirus pandemiyasi sabab 2020 yil martida vaqtincha toʻxtatib qoʻyilgan edi. Hozir avtobuslar Moskva, Qozon va Sankt-Peterburg shaharlariga qatnashni boshlagan.
Yangiliklar lentasi
0