Dunyoda

Bayden saratonga chalinganini maʼlum qildi

© AP Photo / Andrew HarnikPrezident SSHA Djo Bayden, arxivnoye foto
Prezident SSHA Djo Bayden, arxivnoye foto - Sputnik Oʻzbekiston, 1920, 21.07.2022
Obuna boʻlish
Yandex newsTelegram
Jo Bayden saraton kasalligiga chalinganiga atrof-muhitning ifloslanishi sabab boʻlganini maʼlum qildi.
TOSHKENT, 21 iyul — Sputnik. AQSH prezidenti Jo Bayden atrof-muhitning ifloslanishi tufayli saraton kasalligiga chalinganini maʼlum qildi. Bu haqda RIA Novosti yozmoqda.
Amerika rahbari Massachusets shtatidagi nutqi chogʻida u bolaligini oʻtkazgan Kleymont (Delaver shtati) shahrida koʻplab neftni qayta ishlash zavodlari boʻlgani, ayoz paytida derazalardagi “neft dogʻlarini hamisha yuvib turish” kerak boʻlganini aytgan.
“Mana nima uchun men va men bilan birga oʻsgan boshqa koʻplab odamlar saraton kasalligiga chalingan. Va shuning uchun uzoq vaqt davomida Delaverda mamlakat boʻyicha saraton kasalligi holati eng yuqori boʻlgan”, - dedi Amerika yetakchisi.
Keyinroq Oq uy matbuot xizmatining aniqlik kiritishicha, Bayden lavozimga kirishishidan oldin oʻtkazgan teri saratoni muolajalarini nazarda tutgan.
“New York Post” gazetasiga koʻra, prezidentning shifokori Kevin O’Konnor oʻtgan yili uning sogʻligʻi toʻgʻrisidagi hisobotni eʼlon qilgan, unda hozirgi saraton haqida hech narsa aytilmagan.
Bu yil 80 yoshga toʻlgan Bayden AQSH tarixidagi eng keksa prezident boʻlib, tanqidchilar uni tez-tez soʻzlash va fikrlash qobiliyatini yoʻqotib qoʻygan paytlarini aytib, uni aqliy zaiflikda ayblashadi.
Yangiliklar lentasi
0