Siyosat

Lavrov Toshkentga keladi

© Sputnik / Russian Foreign Ministry / Fotobankka oʻtishMinistr inostrannыx del RF Sergey Lavrov
Ministr inostrannыx del RF Sergey Lavrov - Sputnik Oʻzbekiston, 1920, 21.07.2022
Obuna boʻlish
Yandex newsTelegram
Rossiya tashqi ishlar vaziri Toshkentdagi SHHTga aʼzo davlatlar tashqi ishlar vazirlari yigʻilishida ishtirok etadi.
TOSHKENT, 21 iyul — Sputnik. Rossiya tashqi ishlar vaziri Sergey Lavrov 28-29 iyul kunlari Toshkentda boʻlib oʻtadigan Shanxay Hamkorlik Tashkilotiga (SHHT) aʼzo davlatlar tashqi ishlar vazirlari yigʻilishida ishtirok etadi. Bu haqda Rossiya TIV rasmiy vakili Mariya Zaxarova brifing davomida maʼlum qildi.
Zaxarovaning soʻzlariga koʻra, vazirlar SHHTga aʼzo davlatlar rahbarlarining 15-16 sentyabr kunlari Samarqandda boʻlib oʻtadigan majlisini mazmunli toʻldirish masalalariga asosiy eʼtiborni qaratishadi.
Taʼkidlanishicha, TIV rahbarlari yigʻilishida xalqaro va mintaqaviy kun tartibining dolzarb mavzulari yuzasidan fikr almashiladi. Shuningdek, Lavrov bir qator ikki tomonlama uchrashuvlarni oʻtkazishni rejalashtirgan.
Norov Rossiya tashqi vaziri bilan uchrashdi
Shanxay hamkorlik tashkiloti - mintaqaviy xalqaro tashkilot boʻlib, uning tarkibiga Rossiya, Xitoy, Qozogʻiston, Qirgʻiziston, Tojikiston va Oʻzbekiston kiradi.
2022 yilda tashkilotga raislik qilish Oʻzbekistonga oʻtgan. Sentyabr oyida mamlakatda SHHT davlat rahbarlarining navbatdagi sammiti boʻlib oʻtadi. Samarqand shahri muzokaralar platformasiga aylanadi. Ushbu muhim tadbirga tayyorgarlik ishlari jadal surʼatlarda olib borilmoqda. Oʻzbekiston SHHT raisligida 80 dan ziyod tadbir oʻtkazilishi rejalashtirilgan. Shulardan aksariyati oʻtkazib boʻlindi.
Yangiliklar lentasi
0