Dunyoda

Hindiston tarixida ikkinchi bor ayol kishi prezident etib saylandi

© REUTERS/Amit DaveHindiston tarixida ikkinchi bor ayol kishi prezident etib saylandi
Hindiston tarixida ikkinchi bor ayol kishi prezident etib saylandi - Sputnik Oʻzbekiston, 1920, 22.07.2022
Obuna boʻlish
Yandex newsTelegram
Draupadi Murmu eng koʻp ovoz bilan Hindiston Respublikasining oʻn beshinchi prezidenti etib saylandi.
TOSHKENT, 22 iyul — Sputnik. Hindistonda 18 iyul kuni boʻlib oʻtgan prezidentlik saylovlarida Milliy demokratik alyans aʼzosi Draupadi Murmu prezident etib saylandi. Bu haqida Ria novosti xabar berdi.
“Ovozlarni sanab chiqish natijalariga koʻra, Draupadi Murmu saylovchilarning 64 foiz, Yashvant Sinxaning esa 36 foiz ovozini qoʻlga kiritdi. Murmu eng koʻp ovoz bilan Hindiston Respublikasining oʻn beshinchi prezidenti etib saylandi”, deyiladi xabarda.
Ovoz berishda mamlakat parlamentining 776 deputatidan 748 nafari va Hindiston shtat qonun chiqaruvchi majlislarining 4033 nafar deputati ishtirok etdi. Ovozlar soni bu guruhlar oʻrtasida deyarli teng taqsimlangan.
Aytilishicha, Draupadi Murmu mamlakat tarixida prezident lavozimiga saylangan ikkinchi ayol boʻldi.

Prezident Draupadi Murmu

U 1958 yilda Odisha shtatidagi Santal qabilasida tugʻilgan. Draupadi Murmu Hindistonning ikkinchi ayol prezidenti va mamlakat tarixida qabila xalqlaridan saylangan birinchi ayol davlat rahbari boʻldi.
Murmu siyosatga kirishdan oldin oʻz faoliyatini 1997 yilda Odisha shtatida oʻqituvchi sifatida boshlagan.
2000 yildan 2004 yilgacha Murmu Odishadagi koalitsion hukumatida avval savdo va transport departamentida, keyin esa baliqchilik va chorvachilik departamentida vazir boʻlib ishlagan. 2015 yilda esa u Djarkxandning birinchi ayol gubernatori sifatida qasamyod keltirgan.
Maʼlumot uchun, Hindiston prezidenti 5 yil muddatga saylanadi. Ovoz berish jarayonlarida mamlakat parlamentining ikkala palatasi aʼzolari va barcha shtatlarning qonun chiqaruvchi assambleyalari aʼzolaridan iborat saylovlar kollegiyasi aʼzolari ishtirok etadi.
Saylovlar proportsional tizim asosida, yashirin ovoz berish yoʻli bilan oʻtkazildi.
Hindiston prezidenti davlat boshligʻi va mamlakat qurolli kuchlarining oliy qoʻmondoni hisoblanadi. Rasmiy ravishda Hindiston konstitutsiyasi prezidentning mamlakatni boshqarishda muhim rolini bajarishga imkon beradi, lekin aslida u asosan vakillik funktsiyalarini bajaradi, mamlakatni hukumat boshligʻi boshqaradi.
Yangiliklar lentasi
0