Jamiyat

Diniy taʼlim muassasalariga kirish imtihonlari qachon boshlanishi maʼlum boʻldi

© SputnikSdacha vstupitelnыx ekzamenov na stadione "Bunyodkor"
Sdacha vstupitelnыx ekzamenov na stadione Bunyodkor - Sputnik Oʻzbekiston, 1920, 25.07.2022
Obuna boʻlish
Yandex newsTelegram
Yangi oʻquv yili boʻyicha qabul imtihonlari ijodiy imtihon va test sinovi shaklida oʻtkaziladi.
TOSHKENT, 25 iyul — Sputnik. Oʻzbekistonda 3 avgustdan diniy taʼlim muassasalariga kirish imtihonlari boshlanadi. Bu haqda Diniy idoraning Taʼlim va ilmiy-tadqiqodlar boʻlimi xabar berdi.
Qayd etilishicha, Oʻzbekiston musulmonlari idorasi tasarrufidagi oliy diniy taʼlim muassasalarida 2022-2023 oʻquv yili boʻyicha qabul imtihonlari ijodiy imtihon va test sinovi shaklida oʻtkaziladi.
Hadis ilmi maktabi
3 avgust – Hadis va mustalah al-hadis (ijodiy imtihon);
Arab tili (ijodiy imtihon). Imtihon joyi: Hadis ilmi maktabi binosi sport zali.
4 avgust – Oʻzbekiston tarixi (test sinovi). Imtihon joyi: Hadis ilmi maktabi binosi orqa hovli qismi.
5 avgust – Mandat hayʼati.
Imom Buxoriy nomidagi Toshkent islom instituti
8 avgust – Arab tili (ijodiy imtihon). Imtihon joyi: Toshkent islom instituti binosi ayvon qismi.
9 avgust – Fiqh va aqoid (test sinovi). Oʻzbekiston tarixi (test sinovi). Imtihon joyi: Toshkent islom instituti hovlisi.
10 avgust – Mandat hayʼati.
Mir Arab oliy madrasasi
11 avgust – Arab tili (ijodiy imtihon). Imtihon joyi: Mir Arab oliy madrasasi binosi ayvon qismi.
12 avgust – Fiqh va aqoid (test sinovi). Oʻzbekiston tarixi (test sinovi). Imtihon joyi: Mir Arab oliy madrasasi binosi ayvon qismi.
13 avgust – Mandat hayʼati.
Maʼlumot uchun, Imom Buxoriy nomidagi Toshkent islom instituti, Mir Arab oliy madrasasi va Hadis ilmi maktabiga oʻrta maxsus islom taʼlim muassasalarini tamomlagan abituriyentlarning hujjatlari qabul qilingan.
Eslatib oʻtamiz, diniy taʼlim muassasalariga qabul 20 iyundan boshlangandi.
Yangiliklar lentasi
0