Jamiyat

Oʻquvchilar uchun 1,5 mlndan ortiq maktab formalari sotuvga chiqarildi

© Sputnik / Dilshoda RaxmatovaShkolnaya yarmarka v Tashkente
Shkolnaya yarmarka v Tashkente - Sputnik Oʻzbekiston, 1920, 26.07.2022
Obuna boʻlish
Yandex newsTelegram
Toʻqimachilik korxonalari tomonidan tayyorlangan maktab formalari savdo shaxobchalari va maktab yarmarkalarida sotilmoqda.
TOSHKENT, 26 iyul — Sputnik. Toʻqimachilik korxonalari tomonidan 1,5 mln komplektdan ortiq maktab formalari tayyorlanib, sotuvga chiqarildi. Bu haqida AOKAda oʻtkazilgan brifingda "Oʻztoʻqimachiliksanoati" uyushmasi axborot xizmati rahbari Shahzoda Qoʻchqoʻrova maʼlum qildi.
Aytilishicha, 20 iyul xolatiga toʻqimachilik korxonalari tomonidan tayyorlangan maktab formalari savdo shaxobchalari va maktab yarmarkalarida sotuvga chiqarilgan.
“Toshkent viloyati va Toshkent shaxrida jami 1,0 mln oʻquvchi taʼlim oladi. Ushbu xududlarda maktab formasini ishlab chiqarish quvvati 5 mlndan ortiqni tashkil etadi”, deydi Shahzoda Qoʻchqoʻrova.
Uning soʻzlariga koʻra birgina Namangan viloyatining oʻzida 276 ta korxona 19,0 mln maktab formasi ishlab chiqarish imkoniyatiga ega. Ayni damda ushbu korxonalarga 2.5 mln maktab formasi ishlab chiqarishga buyurtmalar tushgan.
Oʻquvchilarni sifatli va zamon talabiga mos maktab formalari bilan taʼminlash maqsadida respublika boʻylab 560 ta mahalliy korxona roʻyxati shakllantirilgan.
Ushbu korxonalarda mavjud quvvatlar yillik 45,0 mln maktab formasi ishlab chiqarish imkoniyatini beradi.
Oʻrganish natijalariga koʻra maktab formasini ishlab chiqarish uchun xom-ashyo sifatida 26 mln kv. m. gazlama mato ishlatiladi. Respublikaning 7 ta xududida joylashgan korxonalarning yillik quvvati 179,0 mln.kv.m mato ishlab chiqarishni tashkil etadi. Oʻrtacha oylik ishlab chiqarish quvvati 10-14 mln.kv.mni tashkil etadi.
Maktab formasi ishlab chiqarilishida bolaning boʻyi, vazni va boshqa xususiyatlari inobatga olingan.
Yangiliklar lentasi
0