Jamiyat

“Kim koʻproq mehnat qilsa gʻalabaga erishadi” – Oʻzbekiston chempioni Mansurov

© Iz lichnogo arxiva Amirxona MansurovaAmirxon Mansurov
Amirxon Mansurov - Sputnik Oʻzbekiston, 1920, 27.07.2022
Obuna boʻlish
Yandex newsTelegram
Sport mamlakatni, kino esa millatni dunyoga tanitadi. Oxirgi yillar Oʻzbekistonda sportning rivojlanishi va xalqaro maydonga chiqishi sezilarli darajada oʻsdi. Ayniqsa, mamlakatda jahon sport turlari ham rivojlanib boryapti.
TOSHKENT, 27 iyul — Sputnik. Amirxon Mansurov professional sportchi, krossfit boʻyicha mamlakat chempioni. Oʻzbekistondagi yangi sport turi va gʻalabalari haqida Sputnik muxbiriga soʻzlab berdi.
© Iz lichnogo arxiva Amirxona MansurovaAmirxon Mansurov
Amirxon Mansurov - Sputnik Oʻzbekiston, 1920, 27.07.2022
Amirxon Mansurov
“Men Fargʻona viloyati Qoʻqon shahrida tugʻilganman. 2012 yil Olimpiya zaxiralari kollejini, 2017 yili Oʻzbekiston davlat jismoniy tarbiya va sport universitetini aʼlo baholarga tugatganman. Oldin boks bilan shugʻullanardim, 2018 yildan buyon krossfit (CrossFit) sport turini tanladim. Bu zamonaviy sport turi boʻlib, Oʻzbekistonga endi kirib kelmoqda. Bu sport bilan 7 yoshdan 70 yoshgacha barcha shugʻullanishi mumkin”, dedi Mansurov.
Krossfitda koʻproq shugʻullanuvchidan chidamlilik, tezlik va egiluvchanlik talab etiladi. Ortiqcha muskul chiqarish shart emas, krossfitdagi mashgʻulotlarning muntazam bajarilishi tanani ideal darajada normallashtiradi, baquvvat va koʻrkam qiladi.
© Iz lichnogo arxiva Amirxona MansurovaAmirxon Mansurov
Amirxon Mansurov - Sputnik Oʻzbekiston, 1920, 27.07.2022
Amirxon Mansurov
“Meni murabbiyim Oʻzbekiston chempioni, xalqaro musobaqalar gʻolibi Gavhar Mirzayeva. U ayol kishi boʻlsa ham nihoyatda talabchan va oʻziga yarasha qattiqqoʻl. Jamoadagi barcha sportchilarni doim qoʻllab-quvvatlaydilar” , dedi sportchi.
May oyida Amirsoyda oʻtkazilgan “Befitrace” turnirida jamoaviy ishtirok etib, chempionlikni qoʻlga kiritgan.
Hozirda sportchi jamoa bilan noyabr oyida Dubayda oʻtkaziladigan “Gov Games-2022” jahon chempionatiga hamda Abu Dabida boʻlib oʻtadigan xalqaro musobaqaga tayyorgarlik koʻrmoqda.
© Iz lichnogo arxiva Amirxona MansurovaAmirxon Mansurov
Amirxon Mansurov - Sputnik Oʻzbekiston, 1920, 27.07.2022
Amirxon Mansurov
Amirxon Mansurov sport bilan shugʻullanishda insonning psixologiyasidagi holatning muhimligi haqida soʻzladi.
“Sport bilan shugʻullanishda insonning psixologik diqqati, tetikligi juda muhim. Agar inson psixologik tetik va xotirjam boʻlmasa, diqqatini jamlay olmasa, mashgʻulotlarda xato qilaveradi, ularni toʻliq oʻzlashtirolmaydi. Topshiriqlarni oʻz vaqtida bajarishida ham tetiklikning oʻrni muhim sanaladi”, dedi Amirxon.
Sportchida kinoda rol oʻynash istagi bor, hatto takliflar ham boʻlgan, biroq oʻzidagi tortinchoqlik xarakteri borligi tufayli bu takliflarni rad etgan.
Amirxon rossiyalik krossfitchi Roman Xrennikovni doim kuzatadi, uning mashgʻulotlari va faolligi maqtovga loyiq. Yana Xabib Nurmagomedov va Israfil Maxashevga kumirlik qiladi. Oʻzbek sportchilaridan Bahodir Jalolov, Murodjon Ahmadaliyev, Elnur Abduraimovga muxlislik qiladi.
“Hozirgi kunda sport rivojlanyapti, yoshlar juda kuchli, har bir viloyatdan kuchli sportsmenlar chiqyapti. Hammasi mehnat qilyapti, aslida muvaffaqiyatning siri ham ana shunda. Kim koʻproq mehnat qilsa va mashaqqatlardan qoʻrqmay oʻtsa, gʻalabaga erishadi”, dedi Mansurov.
Krossfit sporti bilan istagan odam shugʻullanishi mumkin, faqat mashqlarni toʻgʻri bajarib, tajribali murabbiy bilan ishlagan maʼqul. Chunki biron bir mashqlar notoʻgʻri bajarilsa, organizmga ogʻirlik tushishi va sogʻlikka zarar yetishi mumkin. Sportda sogʻlik oliy oʻrinda turadi.
Yangiliklar lentasi
0