Siyosat

Oʻzbekiston va Afgʻoniston taʼlim sohasidagi hamkorlikni muhokama qildi

© Sputnik / Sergey Pyatakov / Fotobankka oʻtishStudentы
Studentы - Sputnik Oʻzbekiston, 1920, 27.07.2022
Obuna boʻlish
Yandex newsTelegram
Afgʻonlarning respublika taʼlim muassasalarida oʻqishi yuzasidan bir qator loyihalar tayyorlandi.
TOSHKENT, 27 iyul — Sputnik. “Afgʻoniston: xavfsizlik va iqtisodiy taraqqiyot” xalqaro konferentsiyasi doirasida afgʻonistonlik talabalarni Oʻzbekistonda taʼlim olish imkoniyatlariga bagʻishlangan loyihalar taqdimoti boʻlib oʻtdi. Bu haqida Sputnik muxbiriga Oliy va oʻrta maxsus taʼlim vazirligi axborot xizmati rahbari Moʻmin Ibodov maʼlum qildi.
Aytilishicha, Surxondaryo viloyatida Afgʻoniston fuqarolarini oʻqitish boʻyicha oʻquv markazi tashkil etildi.
Markaz negizida turli sohalarda faoliyat yuritayotgan afgʻonistonlik mutaxassislar uchun qisqa muddatli kurslar va seminarlar oʻtkazilmoqda.
Bunday tadbirlarda Afgʻoniston huquq-tartibot idoralari vakillari va qishloq xoʻjaligi mutaxassislari ishtirok etmoqda.
Bundan tashqari, markazda BMT Taraqqiyot dasturi loyihasi doirasida “Transport va avtotaʼmirlash”, “Tikuvchilik ishi”, “Informatika va axborot texnologiyalari”, “Agrobiznes va marketing” kabi yoʻnalishlar boʻyicha professional oʻquv kurslari ochilishi kutilmoqda.
Toshkent davlat sharqshunoslik universiteti mana 60 yildirki afgʻon tillari – pushtu, dari, shuningdek, Afgʻoniston tarixi boʻyicha mutaxassislar tayyorlab kelmoqda.
Ayni paytda taʼlim muassasasining 250 nafar talabasi ushbu tillarni asosiy va ikkinchi xorijiy til sifatida oʻrganmoqda. Shu tariqa Oʻzbekistonda oʻqish istagini bildirayotgan afgʻon yoshlari soni ortib bormoqda.
2021-2022 oʻquv yilida respublika oliy oʻquv yurtlarida afgʻonistonlik talabalar soni 223 nafarni tashkil qildi. Bu koʻrsatkich 2020 yilga nisbatan qariyb 5 barobar oshdi.
Bundan tashqari, forumda ikki davlat oliy taʼlim muassasalari oʻrtasidagi hamkorlik istiqbollari va taʼlim olayotgan afgʻon yoshlari sonini yanada oshirish, oʻquv markazlarida kadrlar tayyorlash va malakasini oshirish boʻyicha takliflar muhokama qilindi.
Yangiliklar lentasi
0