Iqtisod

Oʻzbekistonda eng koʻp oylikni qaysi soha egalari olishi ochiqlandi

© Sputnik / Zafar XalilovSum
Sum - Sputnik Oʻzbekiston, 1920, 27.07.2022
Obuna boʻlish
Yandex newsTelegram
Davlat statistika qoʻmitasi maʼlumotlariga koʻra, ish haqi oʻtgan yilning yil mos davriga nisbatan qariyb 20 foizga oshgan.
TOSHKENT, 27 iyul — Sputnik. 2022 yilning yanvar-iyun oylarida Oʻzbekistondagi oʻrtacha oylik nominal ish haqi 3 mln 540,5 ming soʻmni tashkil etdi. Bu haqda Davlat statistika qoʻmitasi matbuot xizmati xabar berdi.
Statqoʻmga koʻra, oylik nominal ish haqining 2021 yil mos davriga nisbatan oʻsish surʼati 19,3 % ni tashkil qilgan (oʻtgan yilning yanvar-iyun oylarida 2 mln 968,5 ming soʻm boʻlgan.
2022 yilning yanvar-iyun oylari uchun oʻrtacha oylik ish haqi koʻrsatkichini shakllantirishda qishloq xoʻjaligi va kichik tadbirkorlik subektlari hisobga olinmagan, chunki fermer xoʻjaliklari hamda kichik tadbirkorlik subektlari yilda bir marta hisobot taqdim etishi belgilangan.
Joriy yilning dastlabki olti oyida iqtisodiy faoliyat turlari boʻyicha oʻrtacha oylik ish haqining eng baland koʻrsatkichi – bank, sugʻurta, lizing, kredit va vositachilik faoliyati (9 mln 149,6 ming soʻm) sohasiga toʻgʻri kelib, oʻtgan yilning mos davriga nisbatan oʻsish darajasi 124,8 % ni tashkil etgan.
Shuningdek,
axborot va aloqa sohasida oʻrtacha oylik ish haqi — 6 mln 693 ming soʻm;
tashish va saqlash sohasida – 4 mln 653,4 ming soʻm;
sanoat sohasida – 4 mln 548,9 ming soʻm;
qurilish sohasida – 4 mln 226,3 ming soʻm;
savdo sohasida – 3 mln 608 ming soʻm;
taʼlim sohasida – 2 mln 583,8 ming soʻmni tashkil qilgan.
Eng past oʻrtacha ish haqi sogʻliqni saqlash va ijtimoiy xizmatlar koʻrsatish sohasida qayd etilgan – 2 mln 377,2 ming soʻm.
Axborot va aloqa sohasining asosiy tarmoqlari boʻyicha oʻrtacha oylik ish haqining eng yuqori koʻrsatkichi kompyuter dasturlashtirish, maslahat berish va boshqa yordamchi xizmatlar (11 mln 231,0 ming soʻm)da, eng past koʻrsatkich esa noshirlik faoliyati (6 mln 112,8 ming soʻm)da kuzatilgan.
Bank, sugʻurta, lizing va kredit vositachilik faoliyatida eng yuqori oʻrtacha ish haqi – Toshkent shahrida (11 mln 7763 ming soʻm), eng pasti Samarqand viloyatida (5 mln 882 ming soʻm) kuzatilgan.
Taʼlim sohasida eng yuqori oʻrtacha oylik ish haqi Toshkent shahrida (3 mln 924,2 ming soʻm), eng pasti Qashqadaryo viloyatida (2 mln 243,2 ming soʻm) qayd etilgan.
Sogʻliqni saqlash va ijtimoiy xizmatlar koʻrsatish sohasida ham eng yuqori oʻrtacha oylik ish haqi Toshkent shahrida (2 mln 767,2 ming soʻm), eng pasti – Qashqadaryo viloyatida (2 mln 046,4 ming soʻm).
Yangiliklar lentasi
0