Iqtisod

Eng koʻp avtoraqamni qaysi hudud haydovchilari sotib olgan

© Sputnik / Ramiz BaxtiyarovStrana belыx avtomobiley. Belыy tsvet bolshe otrajayet svet i menshe nagrevayetsya
Strana belыx avtomobiley. Belыy tsvet bolshe otrajayet svet i menshe nagrevayetsya - Sputnik Oʻzbekiston, 1920, 28.07.2022
Obuna boʻlish
Yandex newsTelegram
Eng koʻp avtoraqamlarni Toshkent shahri va Toshkent viloyatidagi haydovchilar xarid qildi.
TOSHKENT, 28 iyul — Sputnik. Oʻzbekistonda eng koʻp avtoraqamlarni Toshkent shahri va Toshkent viloyati haydovchilari xarid qildi. Bu haqida Oʻzbekiston tovar-xom ashyo birjasi xabar berdi.
Aytilishicha, 2022 yil 6 oylik yakunlariga koʻra avtoraqam.uzex.uz savdo tizimida 174,0 mlrd soʻmlik 77 mingdan ziyod avtoraqamlar onlayn-auktsion orqali sotilgan.
Hududlar kesimida eng koʻp avtoraqamlar Toshkent shahri va Toshkent viloyati (45%), Samarqand (8%), Buxoro, Fargʻona va Qashqadaryo (6% dan) viloyatlarida xarid qilingan.
Qayd etilishicha, avtoraqamlarning sotuvi son jihatdan 10% ga, hajmi boʻyicha – 27% ga oʻsdi.
Sotilgan avtoraqamlarning 93% jismoniy shaxslar, 7% - yuridik shaxslar tomonidan xarid qilingan.
Raqobatli savdolar natijasida bitimlarning 29% birinchi toifadagi avtoraqamlar, 22% – ikkinchi, 13% – uchinchi, 9% – toʻrtinchi, 12% – beshinchi va 15% – oltinchi toifa avtoraqamlarga toʻgʻri kelgan.
Oʻtgan davrda tuzilgan bitta bitimning oʻrtacha qiymati 2,2 mln soʻmni tashkil etdi. Sotilgan avtoraqamlarning eng past bahosi – 545,4 ming soʻm, eng qimmat avtoraqamning qiymati esa 348,0 mln soʻmga teng boʻldi.
Maʼlumot uchun, avtoraqamlarni onlayn-auktsionlarda sotilishidan kelib tushgan mablagʻlarning 80% –Davlat byudjetiga, 20%– IIVning moddiy-texnik bazasini rivojlantirish, xodimlarini moddiy ragʻbatlantirish va boshqa xarajatlar Maxsus jamgʻarmasiga yoʻnaltiriladi.
Eslatib oʻtamiz, may oyida Oʻzbekistonda eng qimmat avtomobil raqami — 50 777 ZZZ kim oshdi savdosida 669 600 000 soʻmga sotilgandi.
Yangiliklar lentasi
0