Jamiyat

Indoneziyaning “Citilink” loukosteri Oʻzbekistonga parvozlarni yoʻlga qoʻyishni rejalashtirmoqda

© Pixabay / blende12Samolet v nebe, illyustrativnoye foto
Samolet v nebe, illyustrativnoye foto - Sputnik Oʻzbekiston, 1920, 31.07.2022
Obuna boʻlish
Yandex newsTelegram
Ziyorat turizmi doirasida Oʻzbekiston orqali parvozlarni amalga oshirish imkoniyatlari juda istiqbolli ekanligi qayd etildi.
TOSHKENT, 31 iyul — Sputnik. “Citilink” loukosteri Oʻzbekiston va Indoneziya oʻrtasida aviaqatnovni yoʻlga qoʻyishni rejalashtirmoqda. Bu haqda oʻzbekistonlik diplomatlarning aviakompaniya vakillari bilan uchrashuvi chogʻida maʼlum boʻldi.
“Dunyo” AA xabariga koʻra, uchrashuvda Indoneziya tomoniga "Umra Plyuc" va "Oʻzbekiston Plyuc" ziyorat turizmi dasturlari boʻyicha Buxoro yoki Samarqand orqali "Citilink" tranzitini taʼminlashning qulay va jozibali imkoniyatlari haqidagi batafsil maʼlumotlar taqdim etilgan.
"Citilink" aviakompaniyasining tijorat direktori Agung Susilo ziyorat turizmi doirasida Oʻzbekiston orqali parvozlarni amalga oshirish imkoniyatlari juda istiqbolli ekanligini qayd etdi.
Uchrashuv yakunida Oʻzbekiston tomonining bu taklifi hamda havo kemalari ijarasi imkoniyati bilan bogʻliq masalalarni muhokama etish uchun uch tomonlama qoʻshma uchrashuvni tashkil etishga kelishib olindi.

"PT Citilink Indonesia" 2001 yilda tashkil etilgan "Garuda Indonesia" milliy aviakompaniyasining loukosteri (kamxarj parvozlarni amalga oshiruvchi aviakompaniya) hisoblanadi. Iyul oyi holatiga koʻra, kompaniya aviaparki 40 taga yaqin samolyotdan iborat boʻlib, har kuni 200 ga yaqin parvozlarni amalga oshiradi.

KengaytirishYigʻishtirish
Yangiliklar lentasi
0