Jamiyat

Yuridik texnikumlarga qabul boshlandi

© StevebidmeadSMS oʻqiyotgan talabalar
SMS oʻqiyotgan talabalar - Sputnik Oʻzbekiston, 1920, 01.08.2022
Obuna boʻlish
NovostiTelegram
Yuridik texnikumlarga Oʻzbekiston fuqarolarini qabul qilish DTM tomonidan oʻtkaziladigan test sinovlari orqali amalga oshiriladi.
TOSHKENT, 1 avg — Sputnik. Bugundan boshlab Oʻzbekistondagi yuridik texnikumlarga qabul boshlanadi. Hujjatlar 20 avgustgacha (shu kuni ham) qabul qilinadi.
Respublikada 14 ta yuridiktexnikum tashkil etilgan. Ularda quyidagi mutaxassisliklarboʻyicha kadrlar tayyorlanadi:
davlat huquqiy faoliyat;
yuridik xizmat;
sud-huquqiy faoliyat.
Yuridik texnikumlarga umumiy oʻrta taʼlim (11-sinfni) yoki oʻrta maxsus, kasb-hunar taʼlimi muassasasini bitirganlar hujjat topshirishi mumkin.
Oʻqishga kirish uchun hujjatlar Yagona interaktiv davlat xizmatlari portali yoki Davlat test markazining rasmiy veb-sayti orqali onlayn qabul qilinadi.
Yuridik texnikumlarga Oʻzbekiston fuqarolarini qabul qilish DTM tomonidan oʻtkaziladigan test sinovlari orqali amalga oshiriladi.
Chet el fuqarolari yuridik texnikumlar tomonidan tashkil etiladigan suhbat natijasida qabul qilinadi. Abituriyentlar oʻqishga davlat buyurtmasi, toʻlov-kontrakt, shu jumladan, tabaqalashtirilgan toʻlov-kontrakt asosida qabul qilinadi. Oʻqish muddati 2 yilni tashkil etadi.
Yangiliklar lentasi
0