Rossiya

Kreml Rossiya Ukraina muammosini diplomatiya yoʻli bilan hal etishga tayyorligini bildirdi

© Sputnik / Yevgeniy Biyatov / Fotobankka oʻtishVid na Kreml
Vid na Kreml - Sputnik Oʻzbekiston, 1920, 03.08.2022
Obuna boʻlish
Yandex newsTelegram
Peskov Rossiya Ukraina muammosini muzokaralar yoʻli bilan hal qilishga tayyor ekanini maʼlum qildi, biroq oʻz shartlari asosida.
TOSHKENT, 3 avg — Sputnik. Rossiya Ukraina muammosini oʻz shartlarida diplomatiya yoʻli bilan hal qilishga tayyor. Rossiya prezidenti matbuot kotibi Dmitriy Peskov Germaniya sobiq kantsleri Gerxard Shredyorning Rossiya mojaroni muzokaralar yoʻli bilan tartibga solish istagi borligi haqida aytgan gaplariga shunday munosabat bildirdi.
“Rossiya Ukraina muammosini oʻz shartlarida diplomatiya yoʻli bilan hal qilishga tayyor va tayyorligicha qolmoqda. Bu shartlar Istanbulda kelishib olingan edi, va ular har ikki tomon, Rossiya va Ukraina muzokarachilar tomonidan muvofiqlashtirilgan edi. Keyin Ukraina tomoni kelishuvdan bosh tortdi va muzokaralarni bas qildi. Rossiya tayyor, bizning shartlarimiz Ukraina tomoniga juda yaxshi maʼlum”, - dedi Kreml vakili.
Peskov Shredyor Ukraina atrofidagi muammoni diplomatiya yoʻli bilan hal etishda vositachi boʻlish istagini bildirmaganini qoʻshimcha qildi.

Rossiya-Ukraina muzokaralari

Rossiya-Ukraina muzokaralari 28 fevralda, urush boshlaganidan toʻrt kun oʻtib oʻtkazila boshladi. Belarusda bir nechta uchrashuvlar boʻlib oʻtdi, keyin muzokarachilar video aloqa orqali muloqotni davom ettirdi. 10 mart kuni Turkiyaning Antaliya shahrida boʻlib oʻtgan diplomatik forum doirasida Turkiya Rossiya va Ukraina Tashqi ishlar vazirlari Sergey Lavrov va Dmitriy Kulebaning uchrashuvini tashkil qildi. 29 mart kuni esa Istanbulda yuzma-yuz muzokaralar boʻlib oʻtdi. Uning yakunlari boʻyicha Rossiya delegatsiyasi Ukraina tomonidan oʻrganib chiqiladigan va mamlakat rahbariyatiga yetkaziladigan aniq shakllangan pozitsiya va takliflarni oldi..
Biroq, keyinroq Rossiya tashqi ishlar vaziri Sergey Lavrov Ukraina muzokaralar jarayonini sekinlashtirish maqsadida oʻz takliflaridan voz kechib, koʻplab provokatsiyalar yaratayotganini aytdi.
Rossiya Xavfsizlik kengashi raisi oʻrinbosari Dmitriy Medvedev Ukrainada tinchlik Rossiya shartlarida oʻrnatilishini taʼkidlagan edi.
Yangiliklar lentasi
0