Iqtisod

Ural mebelchilari Oʻzbekiston bozoriga chiqmoqchi

© Sputnik / Yuriy Strelets / Mediabankka oʻtishMagazin IKEA
Magazin IKEA - Sputnik Oʻzbekiston, 1920, 05.08.2022
Obuna boʻlish
NovostiTelegram
Sverdlovsklik tadbirkorlar IKEA uslubida ishlab chiыarilgan mebel va qurilish materiallarini Oʻzbekiston bozoriga ham olib kirmoqchi.
TOSHKENT, 5 avg — Sputnik. Rossiyaning Sverdlovsk viloyati tadbirkorlari mebel va qurilish materiallari ishlab chiqaruvchi “IKEA” kompaniyasining Ural analogini Oʻzbekistonga eksport qilishni yoʻlga qoʻymoqda. Bu haqda viloyat televideniyasi xabar berdi.
Qayd etilishicha, sverdlovsklik tadbirkorlar viloyatdan mebel va qurilish materiallari ishlab chiqaruvchi shved kompaniyasi — “IKEA”ni siqib chiqarishga tayyor. Bundan tashqari, kompaniyaning Ural analogi nafaqat Rossiya, balki Armaniston va Turkmanistonda ham katta qiziqish uygʻotmoqda.
Ular oʻz mahsulotini Oʻzbekistonga ham olib kirishni rejalashtirgan.
Umuman olganda, uy uchun zamonaviy jihozlar “IKEA”ning Ural analogidan joy olgan. Ishbilarmonlar oʻzlarining ishlanmalari bilan Rossiyani tark etgan shved kompaniyasining oʻrnini egallamoqchi.
“Biz assortimentimizdan yasashimiz mumkin boʻlgan turli javonlar, poyabzal qoʻyadigan jihozlar, suratlar uchun romlar kabi materiallarni ishlab chiqarishga harakat qilamiz. Biz bularni allqachon oʻz uskunalarimiz yordamida yasay olamiz”, - deydi kompaniya tijorat direktori Vyacheslav Zabotin.
Korxona tovar aylanmasining 15% i eksportga toʻgʻri keladi. Yil boshidan beri ishlab chiqaruvchilar Armaniston va Turkmaniston bozoriga kirgan. Endi esa oʻzbekistonlik tadbirkorlar navbatdagi hamkor boʻlishni rejalashtirmoqda.

“Agar kelishuvga erishsak, juda yaxshi boʻlardi. Bu mahsulotga mamlakatimizda talab katta, chunki soʻnggi uch yilda davlatimiz yanada rivojlandi”, deydi oʻzbekistonlik tadbirkor Oʻtkir Bahodirov.

Oddiy va mustahkam dizaynli shved mebellari ishlab chiqaruvchi “IKEA” kompaniyasi Rossiya aholisi orasida juda ommaviy edi. Lekin Ukrainada maxsus operatsiya boshlanganidan soʻng xorijiy kompaniya Rossiya bozorini tark etishini eʼlon qildi. Rossiyalik mahalliy ishlab chiqaruvchilar esa boʻshagan bozor segmentlarini toʻldirishga harakat qilishmoqda.
Yangiliklar lentasi
0