Jamiyat

Oʻzbekistonlik haydovchilarning Turkmanistonga kirish vizasini olishi osonlashishi mumkin

© Oʻzbekiston transport vazirligiOʻzbekiston va Turkmaniston Ashxobod shartnomasi doirasidagi ishlarni faollashtirishga kelishib oldi
Oʻzbekiston va Turkmaniston Ashxobod shartnomasi doirasidagi ishlarni faollashtirishga kelishib oldi - Sputnik Oʻzbekiston, 1920, 11.08.2022
Obuna boʻlish
NovostiTelegram
Oʻzbek haydovchilari uchun Turkmanistonga kirish vizasini berish talablarini soddalashtirish va muddatlarini qisqartirish kutilmoqda.
TOSHKENT, 11 avg — Sputnik. Oʻzbekiston Turkmanistonga xalqaro yuk tashuvchi oʻzbek haydovchilari uchun respublikaga kirish vizasini berish talablarini soddalashtirishni taklif qildi. Taklif transport masalalari boʻyicha oʻzbek turkman ishchi guruhining navbatdagi uchrashuvida bildirildi.
Oʻzbekiston Transport vazirligi xabariga koʻra, transport vaziri oʻrinbosari A.Moʻminov “Turkmen avtoulaglari” agentligi raisining oʻrinbosari V.Xodjanepesov bilan hamkorlik aloqalarini rivojlantirish istiqbollarini muhokama qilgan.

"Oʻzbekiston tomoni avtomobil transportida xalqaro yuk tashuvlarini amalga oshirayotgan oʻzbek haydovchilari uchun Turkmanistonga kirish vizasini berish talablarini soddalashtirish va muddatlarini qisqartirish yuzasidan turkman tomoniga takliflarini bildirdi", - deyilgan xabarda.

Qayd etilishicha, “Turkmanboshi” porti orqali oʻtuvchi transport yoʻlaklari butun mintaqa uchun muhim va bu yoʻnalishdagi hamkorlik aloqalarini rivojlantirish zarur.
Tomonlar tranzit yoʻnalishlarda yuk tashish hajmini oshirish uchun temir yoʻl infratuzilmasini yanada modernizatsiya qilish, shuningdek, yuk tashuvlarida transport xarajatlarini kamaytirish maqsadida chegirmalar taqdim etish choralarini koʻrishga kelishib oldilar.
Shuningdek, uchrashuvda Oʻzbekiston – Turkmaniston – Eron – Oʻmon transport yoʻlagining barcha ishtirokchilari bilan Ashxobod shartnomasi doirasidagi ishlarni faollashtirishga kelishib olindi.
Yangiliklar lentasi
0