Dunyoda

Koʻp qutbli dunyo tartibi shakllanmoqda – Putin

© Sputnik / Sergey GuneyevPrezident RF Vladimir Putin
Prezident RF Vladimir Putin - Sputnik Oʻzbekiston, 1920, 16.08.2022
Obuna boʻlish
NovostiTelegram
Putin: bir qutbli dunyo tartibi davri oʻtmishga aylanib bormoqda.
TOSHKENT, 16 avg — Sputnik. Koʻp qutbli dunyo tartibining konturlari faol shakllanmoqda: koʻproq mamlakatlar va xalqlar oʻzligi, anʼanalari, qadriyatlaridan kelib chiqib, erkin, suveren taraqqiyot yoʻlini tanlamoqda. Bu haqda Rossiya prezidenti Vladimir Putin Xalqaro xavfsizlik boʻyicha X Moskva anjumani ishtirokchi va mehmonlariga yoʻllagan murojaatida maʼlum qildi.
Taʼkidlanishicha, koʻp qutbli dunyoni shakllantirishning obʼyektiv jarayonlariga “Gʻarb globalistik elitalari tomonidan betartiblik qoʻzgʻatuvchi, eski va yangi nizolarni qoʻzgʻovchi, toʻsib qoʻyish deb ataladigan siyosatni amalga oshiruvchi va aslida har qanday muqobil, suveren rivojlanish yoʻllariga putur yetkazadigan” qarshilik koʻrsatilmoqda.
“Globalistik elitalar oʻz qoʻllaridan sirgʻalib ketayotgan gegemoniya va hokimiyatni saqlab qolish uchun bor kuchlari bilan harakat qilmoqda, ular mamlakatlar va xalqlarni yangi mustamlakachilik tuzumi qoʻlida ushlab turishga harakat qilmoqda. Ularning gegemonligi butun dunyo uchun, butun tsivilizatsiya uchun turgʻunlik, jaholatparastlik va madaniyatni yoʻq qilish, neoliberal totalitarizmni anglatadi”, deydi Putin.
Qayd etilishicha, bir qutbli dunyo tartibi davri oʻtmishga aylanib bormoqda.
“Zamonaviy koʻp qutbli dunyo tizimini tubdan mustahkamlash orqaligina dunyoda keskinlikni pasaytirish, harbiy-siyosiy sohadagi tahdid va xatarlarni bartaraf etish, mamlakatlar oʻrtasidagi ishonch darajasini oshirish va ularning barqaror rivojlanishini taʼminlash mumkin”, dedi Rossiya prezidenti.
Yangiliklar lentasi
0