Turizm

Malayziyada Oʻzbekiston mahsulotlari koʻrgazmasi ochildi

© pexels.com/Kai PilgerOdejda na veshalkax
Odejda na veshalkax - Sputnik Oʻzbekiston, 1920, 17.08.2022
Obuna boʻlish
NovostiTelegram
Oʻzbekiston Kuala-Lumpurga umumiy qiymati 1 mln dollarlik oziq-ovqat mahsulotlarini yetkazib beradi.
TOSHKENT, 17 avg — Sputnik. Malayziya poytaxtida Oʻzbekiston mahsulotlari shourumining rasmiy ochilish marosimi boʻlib oʻtdi. Bu haqida “Dunyo” AA xabar berdi.
Shourumda Oʻzbekistonda ishlab chiqarilgan toʻqimachilik, charm-poyabzal, oziq-ovqat va xalq hunarmandchiligi mahsulotlari namoyish etilmoqda.
Tadbir doirasida Malayziya va Oʻzbekiston korxonalari oʻrtasida Kuala-Lumpurga umumiy qiymati 1 mln dollarlik oziq-ovqat mahsulotlarini yetkazib berish boʻyicha eksport shartnomalari imzolandi.
Shuningdek, milliy mahsulotlarni Malayziya bozorlarida keng targʻib qilish maqsadida shourumni mahsulotlar namunalari bilan muntazam toʻldirib borish yuzasidan kelishuvga erishildi.
Qayd etilishicha, mazkur koʻrgazma zalining ochilishi Oʻzbekistondan Malayziya va Janubiy-Sharqiy Osiyo mamlakatlariga mahsulotlar eksportini sezilarli darajada kengaytirish, Malayziyaning respublikaga toʻgʻridan-toʻgʻri investitsiyalari hajmini oshirish va ushbu mintaqada mamlakatning turizm salohiyatini yuksaltirish nuqtai nazaridan muhim ahamiyatga ega.
Maʼlumot uchun, Malayziyaning "Alpha Group" kompaniyasi 2020 yilda Oʻzbekistonda "MS Alpha" MCHJ korxonasini taʼsis etgan. Oʻtgan yili ushbu kompaniya oʻzbek qishloq xoʻjaligi mahsulotlarini Malayziyaga eksport qilingan.
Yangiliklar lentasi
0