Dunyoda

AQSH kompaniyalari Turkiya orqali Rossiya bilan yashirin savdo qilmoqchi – OAV

Gruzovыe vagonы - Sputnik Oʻzbekiston, 1920, 30.08.2022
Obuna boʻlish
NovostiTelegram
Gʻarbning Rossiyaga qarshi sanktsiyalarini chetlab oʻtmoqchi boʻlgan koʻplab Amerika kompaniyalari turk kompaniyalariga maʼlum komissiya evaziga birgalikda biznes qilishni taklif qilmoqda.
TOSHKENT, 30 avg — Sputnik. Ukrainadagi vaziyat tufayli Rossiyani tark etgan AQSH kompaniyalari Turkiya orqali u bilan yashirin savdo qilish yoʻlini qidirmoqda. Bu haqda “Yeni Safak” gazetasi turk ishbilarmon doiralaridagi manbalarga tayanib xabar berdi.
“Gʻarbning Rossiyaga qarshi sanktsiyalarini chetlab oʻtmoqchi boʻlgan koʻplab Amerika kompaniyalari turk kompaniyalariga maʼlum komissiya evaziga birgalikda biznes qilishni taklif qilmoqda. Biz suhbatlashgan ishbilarmonlar soʻnggi oylarda Amerika kompaniyalaridan bunday takliflar koʻpayganini taʼkidladi. Qoʻshma Shtatlarda shtab-kvartirasi joylashgan koʻplab xalqaro kompaniyalar Dubayning erkin zonalarida tashkil etilgan shoʻʼba korxonalarini ushbu biznes uchun safarbar qildi. Turk kompaniyalariga qoʻshma savdo takliflari bilan murojaat qilayotgan Amerika kompaniyalari Rossiya bozoridagi yoʻqotishlarini qoplash uchun bu usulga murojaat qiladi”, - deb yozadi nashr.
Mart oyida Ukrainada maxsus operatsiya boshlanganidan soʻng AQSH Savdo palatasi vitse-prezidenti Mayron Brilliant Turkiyaga tashrif buyurib, ham siyosatchilar, ham ishbilarmonlar bilan uchrashgan.
“Tashrifni baholagan AQShning Anqaradagi elchisi Jeff Fleyk Rossiyadan chiqishga tayyorlanayotgan 5 ming amerikalik kompaniyaning manzili sifatida Turkiyani koʻrsatganini aytdi. Turkiyaning Rossiya bilan iliq aloqalaridan unumli foydalanishga harakat qilayotgan Amerika kompaniyalari ham Turkiya kompaniyalarining mintaqadagi samarali logistika imkoniyatlaridan foydalanmoqchi”, deb yozadi gazeta.
Rossiyaning Ukrainada maxsus operatsiyasi boshlanganidan soʻng Gʻarb davlatlari Rossiyaga qarshi, xususan, energiya resurslarini sotib olish boʻyicha sanktsiyalar joriy qila boshladi.
Rossiya prezidenti Vladimir Putin Rossiyani jilovlash va kuchsizlantirish siyosati Gʻarb uchun uzoq muddatli strategiya ekanligini va sanktsiyalar butun jahon iqtisodiyotiga jiddiy zarba berganini aytdi.
Yangiliklar lentasi
0