Jamiyat

Oʻqituvchi va tarbiyachilar bepul tibbiy koʻrikdan oʻtkaziladi

© Depositphotos / BlazeofgloryUchitel pishet u doski v shkole
Uchitel pishet u doski v shkole - Sputnik Oʻzbekiston, 1920, 05.09.2022
Obuna boʻlish
NovostiTelegram
Deputat oʻqituvchi va tarbiyachilarni tezroq bepul tibbiy koʻrikdan oʻtishga chaqirdi.
TOSHKENT, 5 sen — Sputnik. Oʻqituvchi va tarbiyachilarni bepul tibbiy koʻrikdan oʻtkazish boʻyicha topshiriq berildi. Bu haqida deputat Rasul Kusherbayev maʼlum qildi.
Deputatning yozishicha, Oʻzbekiston qonunchiligiga koʻra, ushbu tizim xodimlari uchun majburiy tibbiy koʻrikdan oʻtish bepul hisoblanadi. Lekin turli sabablar bilan qonun talabi bajarilmay, xodimlar oʻz hisobidan tibbiy koʻrikdan oʻtib kelgan.
Ushbu masala yuzasidan Rasul Kusherbayev Sogʻliqni saqlash vazirining birinchi oʻrinbosari Amrillo Inoyatov bilan muloqotda boʻldi.
Muloqotda SSVning birinchi oʻrinbosari viloyatlardagi Sogʻliqni saqlash boshqarmalari va tibbiy markazlarga Xalq taʼlimi hamda Maktabgacha taʼlim tizimida faoliyat koʻrsatayotgan oʻqituvchi va tarbiyachilarni bepul tibbiy koʻrikdan oʻtkazish boʻyicha topshiriqlar berilganini bildirdi.
“Nihoyat qonunda kafolatlangan huquqning amalda ham taʼminlanishiga erishilayotgani bizni hursand qilmoqda. Har qalay harakatlarimiz zoye ketmabdi”, deydi deputat.
Deputat shuningdek, oʻqituvchi va tarbiyachilarni tezroq bepul tibbiy koʻrikdan oʻtishga chaqirmoqda.
Yangiliklar lentasi
0