Turizm

Hukumat ichki sayohatlar xarajatlarining bir qismi qaytarish tartibini belgiladi

© Sputnik / Sergey Pyatakov / Mediabankka oʻtishTuristы u krepostnoy stenы Tsitadeli Ark v istoricheskoy chasti Buxarы.
Turistы u krepostnoy stenы Tsitadeli Ark v istoricheskoy chasti Buxarы. - Sputnik Oʻzbekiston, 1920, 07.09.2022
Obuna boʻlish
NovostiTelegram
Oʻzbekiston boʻylab sayohat qilgan mamlakat fuqarolari xarajatlarining bir qismini qaytarib olishlari mumkin.
TOSHKENT, 7 sen — Sputnik. Vazirlar mahkamasining “Oʻzbekiston Respublikasi boʻylab amalga oshirilgan ichki sayohatlar xarajatlarining bir qismini qaytarib berish tizimini joriy etishga oid chora-tadbirlar toʻgʻrisida”gi 484-son qarori qabul qilindi.
Prezidentning tegishli qaroriga muvofiq mamlakat fuqarolari uchun respublika hududlarida "Oʻzbekiston boʻylab sayohat qil!" dasturi doirasida ichki sayohatlarni amalga oshirish xarajatlarining bir qismini qaytarish tartibi ("Cashback") joriy etiladi.
Sayohat xarajatlari "Soliq.uz" elektron platformasi, shu jumladan uning mobil ilovasi orqali qaytariladi.

Sayyoh keshbek olish uchun nima qilishi kerak?

Soliq.uz mobil ilovasini yuklab olish;
Sayohat yoʻnalishini va boshlanish sanasini tanlash;
Keshbeklarni yigʻish uchun fiskal cheklarni skanerlash orqali avia, temir yoʻl yoki avtobus chiptarini ilovaga kiritish;
DSQ sayohat yakuni bilan roʻyxatdan oʻtkazilgan cheklarni tekshirib, ulardagi summalar hisob-kitobini amalga oshiradi. Sayohat xarajatlarini qaytarish shartlari toʻgʻri bajarilganligi natijasi boʻyicha yigʻilgan mablagʻlarni turistlarning shaxsiy bank kartalariga milliy valyutada oʻtkazib beradi.
Sayohat xarajatlari quyidagi hollarda qaytariladi:
avia, temir yoʻl va (yoki) avtomobil transportidan foydalanish;
joylashtirish vositalari xizmatlaridan foydalanish;
madaniyat tashkilotlariga tashrif buyurish.
Sayohat xarajatlarini qaytarish har bir turistga quyidagi miqdorlarda amalga oshiriladi:
aviaqatnov orqali borib-kelish chiptasi narxining 15 foizi, lekin 150 ming soʻmdan oshmagan miqdorda;
temiryoʻlda yoki avtobusda borib-kelish chiptasi narxining 15 foizi, lekin 80 ming soʻmdan oshmagan miqdorda;
joylashtirish vositasida tunab qolish xarajatining 15 foizi, lekin 80 ming soʻmdan oshmagan miqdorda;
madaniyat tashkilotlariga har bir tashrif chiptasi narxining 50 foizi, lekin 20 ming soʻmdan oshmagan miqdorda.
Sayohat xarajatlari uchun mablagʻlar faqat platforma orqali mahalliy turistlarning bank kartasiga sayohat yakunlangach qaytariladi.
Yangiliklar lentasi
0