Madaniyat

Bugun Toshkentda Rossiya Milliy filarmoniya orkestri kontsert beradi

© Fond razvitiya kulturы i iskusstva pri Minkulte UzbekistanaVladimir Spivakov i Natsionalnыy filarmonicheskiy orkestr Rossii na ploщadi Registan v Samarkande
Vladimir Spivakov i Natsionalnыy filarmonicheskiy orkestr Rossii na ploщadi Registan v Samarkande - Sputnik Oʻzbekiston, 1920, 08.09.2022
Obuna boʻlish
NovostiTelegram
Kontsert dasturidan avval yakkaxon xonandalari kun mobaynida Oʻzbekiston davlat konservatoriyasi talabalari uchun mahorat darslari oʻtkazishadi.
TOSHKENT, 8 sen — Sputnik. Bugun Toshkentda Rossiya Milliy filarmoniya orkestri kontsert beradi. Bu haqida Madaniyat va sanʼatni rivojlantirish jamgʻarmasi xabar berdi.
Aytilishicha, kontsert dasturidan avval Rossiya Milliy filarmoniya orkestrining yakkaxon xonandalari kun mobaynida Oʻzbekiston davlat konservatoriyasi talabalari uchun mahorat darslari oʻtkazishadi.
Mahorat darslari ixtisosliklar yoʻnalishlari torli, puflama va zarbli cholgʻu asboblaridan iborat boʻladi.
Soat 19:00 da esa “Oʻzbekiston” xalqaro anjumanlar saroyida Rossiya Milliy filarmoniyasi orkestri xayriya kontserti boʻlib oʻtadi.
Eslatib oʻtamiz, avvalroq dirijyor Vladimir Spivakov boshchiligidagi Rossiya Milliy filarmoniya orkestrining kontserti boʻlib oʻtishi haqida maʼlum qilingandi.
Tadbirda Genrik Ibsenning “Per Gyunt” dramasi musiqasidagi mashhur syuita va Norvegiya mumtoz sanʼat arbobi Edvard Grigning lya minor orkestri fortepiano kontserti ijro etiladi.
Shuningdek, Pyotr Chaykovskiy, Antonin Dvorjak, Jakomo Puchchini va Franchesko Chilea operalaridan parchalar ham ijro etilishi rejalashtirilgan.
Yakkaxon ijrochilar Vladimir Spivakov va uning jamoasining kontsert va sayyor chiqishlarida bir necha bor ishtirok etgan pianinochi Ivan Bessonov va soprano Yekaterina Petrova boʻladi.
Mazkur tadbir Alisher Usmonov homiyligidagi “Sanʼat, fan va sport” xayriya jamgʻarmasi hamda Madaniyat va sanʼatni rivojlantirish jamgʻarmasi tomonidan tashkil etilmoqda.
Yangiliklar lentasi
0