Dunyoda

Vuchich Yevropada Ikkinchi jahon urushidan keyingi eng ogʻir qish kutilayotganidan ogohlantirdi

© Sputnik / Press-slujba MID RF / Mediabankka oʻtishPrezident Serbii Aleksandr Vuchich, arxivnoye foto
Prezident Serbii Aleksandr Vuchich, arxivnoye foto - Sputnik Oʻzbekiston, 1920, 15.09.2022
Obuna boʻlish
NovostiTelegram
Vuchich: 31 martgacha butun Yevropa uchun Ikkinchi jahon urushidan keyingi eng ogʻir oylar boʻladi.
TOSHKENT, 15 sen — Sputnik. Serbiya prezidenti Aleksandr Vuchich parlamentning navbatdan tashqari sessiyasida butun Yevropa kabi mamlakatni ham Ikkinchi jahon urushidan keyingi eng ogʻir qish kutayotganini maʼlum qildi.
Vuchich ikki kun davomida Kosovodagi vaziyat va Belgrad va Prishtina oʻrtasidagi muzokaralarga bagʻishlangan navbatdan tashqari sessiyada ishtirok etdi. Seshanba kuni Serbiya prezidenti parlamentdagi munozaralarda taxminan 11 soat, chorshanba kuni esa deyarli 14 soat vaqt sarfladi.
Oʻzining yakuniy soʻzida Vuchich oʻzi va mamlakat fuqarolari “hech qanday holatda Kosovo mustaqilligini tan olmasligini va bu qandaydir alohida jasorat emasligini” taʼkidladi.
“Odamlar shuni bilishlarini istaymanki, keyingi olti yarim oy – 31 martgacha butun Yevropa uchun Ikkinchi jahon urushidan keyingi eng ogʻir oylar boʻladi. Har holda, bu serb xalqi, Serbiya va uning fuqarolari uchun 1945 yildan hozirgi kungacha boʻlgan eng ogʻir yillardan biri boʻladi”, dedi prezident.
Uning taʼkidlashicha, qishgacha Serbiyaning Banatski-Dvor yer osti gaz omborida va Vengriyadan ijaraga olingan quvvatlarda 663 million kub metr gaz zaxiraga olingan, bu ikki oyga yetadi.
Joriy yilning 24 fevral kuni Rossiya prezidenti Vladimir Putin Donbass respublikalari rahbarlarining yordam soʻrashi munosabati bilan Ukrainada maxsus harbiy operatsiya oʻtkazilishini maʼlum qildi. Uning taʼkidlashicha, Moskvaning rejalarida Ukraina hududlarini bosib olish yoʻq, maqsadlar esa mamlakatni demilitarizatsiya va denatsifikatsiya qilishdir. Gʻarb Rossiyaning qaroriga javoban unga qarshi koʻplab va keng koʻlamli sanktsiyalarni bosqichma-bosqich joriy qila boshladi. Gʻarb davlatlari Kiyevga oʻn milliardlab dollar miqdorida qurol va harbiy texnika yetkazib berishni boshladi.
Ayrim Gʻarb siyosatchilari bu, aslida, Rossiyaga qarshi iqtisodiy urush ekanini tan oldi. Putin taʼkidlaganidek, Gʻarbning Moskvaga qarshi sanktsiyalar siyosatida barcha tajovuzkorlik belgilari mavjud.
Yangiliklar lentasi
0