Dunyoda

Qozogʻiston TIV mamlakatning KXSHTdan chiqishi haqidagi xabarlarni rad etdi

© Sputnik / Vladislav VodnevFlag Kazaxstana
Flag Kazaxstana - Sputnik Oʻzbekiston, 1920, 16.09.2022
Obuna boʻlish
NovostiTelegram
Qozogʻiston Tashqi ishlar vazirligi mamlakatning KXSHTdagi aʼzoligini toʻxtatishi haqidagi maʼlumotni rad etdi
TOSHKENT, 16 sen — Sputnik. Ijtimoiy tarmoqlarda Qozogʻistonning Kollektiv xavfsizlik shartnomasi tashkilotidan chiqishni rejalashtirayotgani haqidagi xabarlar mutlaqo feyk va haqiqatga mos kelmaydi. Bu haqda mamlakat Tashqi ishlar vazirligi tarqatgan bayonotda keltirilgan.
Qayd etilishicha, Qozogʻiston tashkilot tashkil etilishining boshida turibdi, uning faol ishtirokchisi.
“KXSHTga aʼzolik mamlakatimizning milliy manfaatlariga toʻliq javob beradi”, - deya tushuntirgan vazirlik.
TIV maʼlumotlariga koʻra, Kollektiv xavfsizlik shartnomasi unga aʼzo davlatlar, jumladan, Qozogʻiston uchun qonuniy majburiy xavfsizlik kafolatlarini nazarda tutadi. Bundan tashqari, KXSHT doirasida xalqaro terrorizm, noqonuniy migratsiya, narkotrafik, transchegaraviy jinoyatlar, axborot sohasidagi tahdidlarga birgalikda qarshi kurashish koʻnikmalari shakllantirilmoqda.
“KXSHT doirasidagi hamkorlik Qozogʻiston tashqi siyosatining muhim yoʻnalishi boʻlib, respublikaning tashkilotdagi ishtiroki Qozogʻistonning uzoq muddatli strategik hujjatlarida nazarda tutilgan. Umuman olganda, Qozogʻiston Kollektiv xavfsizlik shartnomasi tashkilotidan chiqish imkoniyatini koʻrib chiqmayotganini aniq aytish mumkin”, - deyiladi xabarda.
Maʼlumot uchun, 1992 yil 15 may sanasida sobiq sovet respublikalari oʻrtasida Kollektiv xavfsizlik toʻgʻrisida kelishuv imzolandi va u 1994 yilning 20 aprelidan boshlab kuchga kirdi.
KXSHTning vazifasi qoʻshin va yordamchi boʻlinmalarning birgalikdagi saʼy-harakatlari bilan shartnomada ishtirok etadigan mamlakatlarning hududiy-iqtisodiy makonini har qanday tashqi harbiy va siyosiy tajovuzkorlardan, xalqaro terrorchilardan, shuningdek keng koʻlamli tabiiy ofatlardan himoya qilishdan iborat. Bugungi kunda ushbu tashkilotga 6 davlat: Rossiya, Belarus, Armaniston, Tojikiston, Qozogʻiston va Qirgʻiziston aʼzo.
Yangiliklar lentasi
0