Kolumnistlar

Odatiy fashizm: UQK Xarkov aholisini qanday qiynoqlarga duchor qilyapti?

© © AP Photo / Ukrainian Presidential Press OfficeZelenskiy
Zelenskiy - Sputnik Oʻzbekiston, 1920, 20.09.2022
Obuna boʻlish
NovostiTelegram
Xarkov viloyatida aholini “Rossiyaga yon bosadigan” qarashlardan tozalash ishlari faol amalga oshirilmoqda.
Vladimir Kovalyov
Odamlarni koʻchada tutib olib, nomaʼlum joylarga olib ketishmoqda. Qiynoq uchun hamma narsa sabab boʻlishi mumkin - ijtimoiy tarmoqlardagi yozuvlardan tortib, xafa boʻlgan qoʻshnisidan adovatgacha. Kiyev rejimining yashirin terrorlari haqida- batafsil RIA Novosti materialida

Odamlarga ov

Ukraina OAVlari ularning armiyasi, xavfsizlik xizmati va politsiyasi “kollaborantlar” bilan qanday kurashayotgani haqidagi xabarlarga toʻla. Aslida buning ortida haqiqiy terrorizm yashiringan. Kiyev yangi qoidalar boʻyicha yashamoqchi boʻlgan, Rossiya taʼlim, mehnat va sogʻliqni saqlash standartlariga oʻtganlarni davlat dushmani deb eʼlon qilmoqda.
Maktabda oʻqituvchi boʻlib ishlaganmisiz - uch yilgacha ozodlikdan mahrum qilish. Rossiyaliklarga nimadir sotgan yoki xizmat koʻrsatganmisiz - besh yil. Maʼmuriyatda lavozimga ega boʻlganmisiz, tashqiliy ishlar boʻyicha qaror qabul qilganmisiz - oʻn yil. Sudya yoki politsiyachi- oʻn besh. Rossiya siyosatini axborot bilan taʼminlash uchun - 20 yil. Agar “hamkor” ning harakatlari natijasida odamlar halok boʻlgan yoki boshqa “jiddiy oqibatlar” yuzaga kelgan boʻlsa - umrbod. Bunday ishlar mingdan ortiq. Bundan tashqari, mahkumlar harbiy asirlarga almashtirilmaydi.
Shuningdek, davlatga xiyonat qilganlikda ayblashadi. Ammo bu holatda ayblov Ukraina suvereniteti, hududiy yaxlitligi, mudofaa qobiliyati yoki axborot xavfsizligiga yetkazilgan zararni isbotlashi kerak boʻladi. “Kollaboratsionizm” da ayblanish uchun Rossiya vakillari bilan oddiy muloqot kifoya.
Ijtimoiy tarmoqlarda ukrain harbiylarining masalan Kupyansk boʻylab yurib, u yoki bu tarzda rossiyaliklar bilan hamkorlik qilganlarni ayblashmoqda. Odamlarni urishmoqda, haqorat qilishmoqda, Moskvaga ishlaganlik uchun kechirim soʻrashga majbur qilishmoqda. Oddiy safdagi ukrainlar dahshat bilan “ozod etilgan hududlar boʻylab” harakatlanishmoqda. Xohlagan insonni xohlagan vaqt sotqin deb eʼlon qilishlari mumkin

Uydirma boʻlmagan hikoyalar

Xarkov viloyatining “hududiy mudofaasi” odamlarga ov qilmoqda. Jazochilar soʻnggi oylarda katta yoʻqotishlarga uchragan boʻlinmalardan maxsus tuzilgan. OAV maʼlumotlariga koʻra, Kiyev sentyabr oyi oxirigacha Rossiya armiyasi joylashgan Xarkov viloyatining Izyum, Balakleya, Kupyansk va boshqa aholi punktlarini “Ukraina dushmanlari”dan tozalashni talab qilmoqda. Agar jangarilar belgilangan jadvalga rioya qilmasa, yordamga Lvov viloyatidan mudofaa kuchlari yuboriladi.
“Filtratsiya taxminan 10 kun davom etadi... Shahar tinch, harbiylar tozalash ishlari bilan shugʻullanishmoqda”, - boʻlib oʻtayotgan voqealarni xuddi odatiy holdek soʻzlab bergan Kiyev tomonidan Izyum meri etib tayinlangan Valeriy Marchenko.
Amaliyotda bu quyidagicha sodir boʻladi: odam yonida avtomobil toʻxtaydi, odatda fuqaro avtomobili boʻladi, undan bir nechta harbiylar chiqib kelishadi. Koʻchaning oʻzida tergov boshlashadi : kim boʻlib ishlagan, qancha olgan, nega rossiyaliklar bilan hamkorlik qilishga rozi boʻlgan. Javoblar qanday boʻlmasin, “kollaborant” ning taqdiri aniq.
Masalan, Valentina Volnovaxa shahridan, u bir necha kundan buyon Xarkovda yashayotgan dugonasi bilan aloqaga chiqa olmayapti. Rossiyaning ittifoqdosh qoʻshinlari DXR va LXR ga kirib kelguniga qadar, uning turmush oʻrtogʻi mahalliy FVV da ishlagan va yangi maʼmuriyatda qutqaruvchi boʻlgan : Ukraina tomoni otishmalarida, turar - joy binolari vayronalari ostidan jabrlangan odamlarni olib chiqqan. U hech qachon siyosat bilan shugʻullanmagan, faqat boshqalarga yordam bergan.
Hamkasblarining aytishicha, “uni ish joyidan nomaʼlum tomonga olib ketishgan”. Endi dugonam ham aloqaga chiqmayapti, xabarlarga javob bermayapti”, - deb xavotir olmoqda Valentina.
Jazochilarga qoʻshnilar ham tez-tez yordam berib turishadi: kimdir shaxsiy adovat tufayli, kimdir esa oʻzidan shu xavfni uzoqlashtirish niyatida, yana boshqalari esa shunchaki Rossiyani yomon koʻrishadi. “Men hamshira boʻlib ishlaganman. Rossiya armiyasi ketganda, qoʻshnilar seni ukrainlarga topshiramiz, va ular seni boʻgʻizlab oʻldirishadi deyishdi. Shunday roʻyxat ham tuzishgan”, - deydi Borisovka qishlogʻida yashovchi Yevgeniya. U oʻzini qutqarishga muvaffaq boʻldi: u hozir Belgorod viloyatining qochqinlar lagerida.

Xalq ovozi

Biroq, barcha ukrainaliklar ham bu qadar shafqatsiz emas. Kiyev xalqaro sotsiologiya institutiga koʻra, fuqarolarning qariyb yarmi tadbirkorlar va oʻqituvchilar Rossiya bilan hamkorlik qilgani uchun jazolanmasligi kerak, deb hisoblaydi. Shifokorlarni taʼqib qilishni 20% oqlashmoqda, mansabdorlarni esa 69% . Albatta, Ukrainaning gʻarbda joylashgan viloyatlari ancha radikal kayfiyatda.
“Ukraina hokimiyati bu hududlarda oʻzini qanday tutishida hech kim shubhalanmagan edi. Kiyev hech qachon oʻz fuqarolariga shafqatli boʻlmagan, Ukrainaning chap qirgʻogʻi aholisini esa umuman odam sifatida koʻrishmaydi. Buni hatto Nikolayev misolida ham koʻrish mumkin. U hozir ukrainlar nazorati ostida va qamalga olinmagan. Biroq u yerda suv, ovqat va dorilar yetkazishda uzilishlar bor”, - deydi siyosatshunos Aleksandr Dudchak.
Kremlga ishlaganlikda ayblash uchun telefonda shunchaki Rossiya telefon raqami yoki qaysidir ukrain siyosatchisi haqida nomaqbul gapirish yetarli, deydi ekspert. Safarbarlikdan boʻyin tovlash ham - sotqinlik. Qatagʻonlarni osonlashtirish uchun hukumat hatto onlayn-ilova yaratgan, unda Ukraina maxsus xizmatiga zudlik bilan “chaqimchilik”ni rasmiylashtirish mumkin.
Shu bilan birga Kiyevni ayblash Gʻarbning xayoliga ham kelmagan, deydi siyosatshunos Sergey Markov. “Mamlakat boshida qoʻgʻirchoqlar turibdi, Ukraina aksil-Rossiyaga aylanishi kerak, shuning uchun aholini majburiy “ruslardan tozalash” ishlari olib borilmoqda. Taslim boʻlmaganlar esa shafqatsiz siyosiy qatagʻonlarga duchor boʻlishadi”, - deydi tahlilchi.
Ushbu siyosat 2014 yildan buyon olib borilmoqda. Biroq, avval neonatsistlar asosiy urgʻuni kuch tuzilmalariga qaratar edi. Endi esa hokimiyat ularning qoʻl ostida, deydi ekspert.
“Hozirgi Ukrainani XX asr Italiya va Germaniyadagi fashizm rejimiga qiyoslash mumkin. Gʻarblik xojalarning tanlovi tasodif emas- bunday siyosiy tizimlar jangovar sharoitlarda yuqori samaradorlikni namoyish etgan”, - deydi Markov.
RIA Novosti bilan suhbatda boʻlgan ekspertlarning fikricha, Kiyevning maqsadi bitta - Xarkov viloyati aholisini qiynoqqa olish yoʻli bilan boshqa ukrainlarni qoʻrqitish va ularni Rossiya bilan hamkorlikdan voz kechishga majbur qilish.
Yangiliklar lentasi
0