Jamiyat

Fargʻona va Arxangelsk taʼlim sohasida hamkorlikning yangi bosqichiga oʻtmoqda

© Fargʻona politexnika institutiFargʻona shahri
Fargʻona shahri - Sputnik Oʻzbekiston, 1920, 23.09.2022
Obuna boʻlish
NovostiTelegram
Shimoliy (Arktika) Federal universiteti delegatsiyasi Fargʻona viloyatidagi taʼlim muassasalari bilan ilmiy va taʼlim sohasida hamkorlikni rivojlantirish maqsadida bir qator kelishuvlarga erishdi – tafsilotlar.
TOSHKENT, 23 sen — Sputnik. Arxangelsk shahrida joylashgan M.V.Lomonosov nomidagi Shimoliy (Arktika) Federal universiteti delegatsiyasi Fargʻona viloyatidagi taʼlim muassasalari bilan ilmiy va taʼlim sohasida hamkorlikni yoʻlga qoʻyish maqsadida viloyatga tashkrif buyurdi. Bu haqida Shimoliy (Arktika) Federal universiteti vakili Polina Golomidova Sputnik muxbiriga maʼlum qildi.
Polina Golomidovaning soʻzlariga koʻra, Fargʻona shahar hokimligi va Qalb Nuri nodavlat tashkiloti koʻmagida Fargʻona politexnika instituti, Fargʻona shahar pedagogik kadrlar va maktablar malakasini oshirish instituti va 24-sonli umumiy oʻrta taʼlim maktabi bilan bir qator kelishuvlarga erishildi.
© Fargʻona politexnika institutiFargʻona shahri
Fargʻona shahri - Sputnik Oʻzbekiston, 1920, 23.09.2022
Fargʻona shahri
“Tashrif doirasida qoʻshma loyihalar, jumladan, talabalar va oʻqituvchilar uchun akademik mobillik, Fargʻona politexnika universiteti bilan qurilish, muhandislik yoʻnalishlari boʻyicha qoʻshma taʼlim dasturlari ishlab chiqish va amalga oshirish, malaka oshirish instituti hamkasblari uchun stajirovka imkoniyatlari koʻrib chiqildi”, deydi Polina Golomidova.
Fargʻonada boʻlib oʻtgan muzokaralar yakunida bir qator loyihalarni amalga oshirishga kelishib olindi.
© Fargʻona politexnika institutiFargʻona shahri
Fargʻona shahri - Sputnik Oʻzbekiston, 1920, 23.09.2022
Fargʻona shahri
Fargʻona shahar hokimligi
Fargʻona shahar hokimligining boshqaruv xodimlari uchun oʻquv treninglar oʻtkazish maqsadida hamkorlik memorandumi va yoʻl xaritasini tayyorlash va imzolashga kelishib olindi. Unga koʻra, hokimlikdagi yosh boshqaruvchilar munitsipal boshqaruv va IT lingvistikasiga oʻqitiladi.
Shuningdek, “Fargʻona Azot” korxonasi bilan aloqa oʻrnatish ham koʻzda tutilmoqda.
Fargʻona shahar pedagogik kadrlar va maktablar malakasini oshirish instituti
Institut bazasida rus tilini chet tili sifatida oʻqitish boʻyicha yuzma-yuz oʻquv seminarlar oʻtkaziladi. Shuningdek, rus tilini chet tili va aniq fanlar sifatida oʻqitish metodikasi boʻyicha keyingi kasb-hunar taʼlimi dasturlari amalga oshiriladi.
Institutga bakalavr, magistratura va aspirantura darajasida eksperemental psixologiya, ijtimoiy ish, maxsus (defektologiya taʼlimi) boʻyicha kadrlar tayyorlashga koʻmaklashiladi.
Maktabda destruktiv xatti-harakatlarning oldini olish boʻyicha amaliyotchi psixologlarning tajriba almashishi ham yoʻlga qoʻyiladi.
Qolaversa, ikki mamlakat hududida robototexnika, IT va mediastudiyalarni oʻqitish boʻyicha tajriba almashiladi.
24-son umumiy oʻrta taʼlim maktabi
Maktab oʻquvchilari oʻrtasida “Arktika kelajagi” olimpiadasi va “IT sohasida yoʻlni top” onlayn/oflayn maktabini oʻtkazishga kelishib olindi.
Fargʻona politexnika instituti
Ikki mamlakat oliy taʼlim dargoxlari oʻrtasidagi hamkorlik memorandumi imzolanadi. Xususan, yer tuzish va kadastr, avtomatlashtirish, kimyoviy texnologiyalar, standartlashtirish va metrologiya yoʻnalishlarida oʻzaro hamkorlik formatlarini aniqlash boʻyicha onlayn uchrashuv, yoʻl xaritasi tuzishga kelishildi.
Qalb Nuri nodavlat tashkiloti
Bakalavr, magistratura va aspirantura darajasida eksperemental psixologiya, ijtimoiy ish, maxsus (defektologik taʼlim) boʻyicha kadrlar tayyorlash hamda maktabda destruktiv xatti-harakatlarni oldini olish boʻyicha amaliyotchi psixologlarning tajriba almashishga kelishib olindi.
© Fargʻona politexnika institutiFargʻona shahri
Fargʻona shahri - Sputnik Oʻzbekiston, 1920, 23.09.2022
Fargʻona shahri
Maʼlumot uchun, hozirda M.V.Lomonosov nomidagi Shimoliy (Arktika) Federal universitetida Fargʻona viloyatidan kelgan 450 nafar talaba muhandislik va qurilish mutaxassisligi boʻyicha tahsil olmoqda.
Universitet Yevropa shimolidagi yirik ilmiy va taʼlim markazi, Rossiya Federatsiyasining 10 ta federal universitetlaridan biri boʻlib, Rossiyaning yetakchi universitetlari assotsiatsiyasi aʼzosi hisoblanadi.
Universitet texnik, tabiiy fanlar, iqtisodiyot, ijtimoiy-gumanitar yoʻnalishlarida kadrlar tayyorlash boʻyicha 350 dan ortiq taʼlim dasturlari va 70 dan ortiq xalqaro ilmiy va taʼlim loyihalarini amalga oshiradi.
Yangiliklar lentasi
0